Popular Bible Verses from 1 यूहन्ना 2

Share

तुम न त दुनिया बट्टी अर न दुनिया की चिज्युं बट्टी प्रेम रखा, जु कुई दुनिया बट्टी प्रेम रखदो, त वेमा पिता परमेश्वर को प्रेम नि च। किलैकि जु कुछ भि दुनिया मा च, मतलब देह की वासना, अर आंखों की अभिलाषा, अर रुप्यों कु घमण्ड, उ पिता परमेश्वर की तरपां बट्टी नि च, पर दुनिया की ही तरपां बट्टी च।

दुनिया अर वेकी सभि अभिलाषा, मिटै जंदींनि, पर जु पिता परमेश्वर की इच्छा का अनुसार चल्दो, उ सदनी बणयुं रालो।

जु कुई यु बुल्दो, कि पिता परमेश्वर का दगड़ी हमारो सम्बन्ध च, उ खुद भि वे बट्टा पर चल्दो जै पर यीशु चल्दु छो।

मेरा प्रिय नौंनो, मि यूहन्ना यूं बातों तैं तुम कु इलै लिखणु छौं, कि तुम पाप नि कैरा; पर जु कुई पाप कैरो त पिता परमेश्वर मा हमारो एक मददगार यीशु मसीह च, जु धर्मी च अर हमारा पापों कि माफी कु पिता परमेश्वर बट्टी प्रार्थना करदो।

जु कुई यु बुल्दो, “मि पिता परमेश्वर तैं जांणि ग्यूं” पर वेकी आज्ञाओं तैं नि मणदो, त उ झूठो च; किलैकि उ पिता परमेश्वर का सचै का अनुसार नि ज्यून्दो।

जु हम पिता परमेश्वर की आज्ञाओं तैं मांणा, त वे बट्टी हम तैं पता लगलो कि हम वे तैं जंणदां छा।

जु कुई इन बुल्दो, कि मि उज्यला मा जींणु छो, पर अपड़ा विश्वासी भैय बट्टी बैर रखदो, उ अभि तक भि अंधेरा मि ही जींणु च।

झूठो को च? उ जु यीशु तैं मसीह हूंणु बट्टी इन्कार करदो, अर मसीह कु बैरी ऊई च, जु पिता परमेश्वर को अर नौंना प्रभु यीशु कु इन्कार करद।

जु कुई नौंना प्रभु यीशु मसीह कु इन्कार करदो च वेमा पिता परमेश्वर भि नि च, जु नौंना प्रभु यीशु मसीह तैं मणदो च, वेमा पिता परमेश्वर भि च।