Popular Bible Verses from 1 यूहन्ना 3

Share

हे मेरा प्रिय नौंनो, हम सचै का द्वारा दूसरों की मदद कैरी के दूसरों तैं अपड़ो प्रेम दिखै सकदां पर न की जीभ ल बोलि के।

हम ल प्रेम यां बट्टी जांणि, कि यीशु मसीह ल हम कु अपड़ो प्राण द्ये दींनि; इलै हम तैं भि विश्वासी भयों का खातिर अपड़ा प्राण दींण चयणु च।

सोचा त सै कि, पिता परमेश्वर ल हम बट्टी भौत प्रेम कैरी, कि हम पिता परमेश्वर की संतान कहलौंदियां, हकीकत मा हम वेकी सन्तान छैं भि छा। ईं दुनिया का लोग यु नि जणदींनि कि हम पिता परमेश्वर की संतान छा, किलैकि दुनिया का लोग पिता परमेश्वर तैं नि जणदींनि।

जु कुई सदनी पाप करदो, उ शैतान कि तरपां बट्टी च, किलैकि शैतान पैली ही बट्टी पाप करदी ऐ। पिता परमेश्वर को नौंनो इलै ऐ, कि शैतान का कामों तैं नष्ट कैरी द्यो।

जु कुई पिता परमेश्वर की संतान च उ सदनी पाप मा बणयूँ नि रौंद; किलैकि अफ भि पिता परमेश्वर को स्वभाव वेमा च; अर उ पाप कैरी ही नि सकदो, किलैकि उ पिता परमेश्वर की संतान च।

जु कै मा दुनिया कि सम्पत्ति हो अर उ अपड़ा विश्वासी भैय तैं विपत्ति मा देखि के वे पर तरस नि खौ, त उ नि बोलि सकद की मि मा पिता परमेश्वर को प्रेम च।

अर जु पिता परमेश्वर की आज्ञाओं तैं मणदो, उ पिता परमेश्वर मा अर परमेश्वर वेमा रौंदो; अर यां बट्टी ही पवित्र आत्मा ल जु वेल हम तैं दियुं च, हम जंणदा छा, कि पिता परमेश्वर हम मा रौंदो।

यां बट्टी ही पिता परमेश्वर की संतान, अर शैतान की संतान कु पता चल्दो; उ लोग जु धार्मिकता का काम करदींनि उ पिता परमेश्वर बट्टी छिनी, अर उ जु अपड़ा भैय बट्टी प्रेम करदो, उ भि पिता परमेश्वर बट्टी प्रेम करदो।

जु समाचार तुम ल पैली बट्टी सूंणि, उ यु च, कि हम एक दुसरा बट्टी प्रेम रखा।

हे विश्वासी भयों, जु ईं दुनिया का लोग तुम बट्टी बैर करदींनि त ताजुब नि कैरा।