Popular Bible Verses from luqa 8

Share

walaynni ġwalli iḍrn ġ‑wakal ifulkin iga zund mddn lli‑sfldnin i‑wawal n‑rbbi amẓn‑t s‑nniyt n‑uwl‑nsn iġusn, ar‑srs‑skarn bla‑da‑trmayn, fkn ṣṣabt‑nsn.

imma ġwalli iḍrn ġ‑uzggʷar iga zund mddn lli‑sfldnin i‑wawal, ddun ilmma asin tiġufiwin n‑ddunit‑ad lhun s‑wayda ršqn s‑tġawsiwin yaḍni. ġayan a‑iššqajjin awal aylliġ ur‑d‑yiwi ṣṣabt.

imma ġwalli iḍrn ġ‑isli iga zund mddn lli‑sfldnin i‑wawal frḥn srs walaynni ur‑ikšim‑wawal‑an s‑uwl‑nsn. amnn ġir kra n‑uwssan ard tili tassast s‑knukin.

yini ilmma i‑imḥḍarn‑ns: «is‑ur‑tuminm?» imma ntni ġuwḍn ar‑bahra‑tɛjjabn ar‑ttinin i‑ngratsn: «ma‑iga ġwad aylliġ a‑itamr aḍu d‑umda, ar‑skarn s‑wawal‑ns?»

ġwalli iḍrn ġ‑uġaras iga zund mddn lli‑sfldnin i‑wawal yašk‑id iblis ikkis awal zġ‑ih̬f‑nsn baš a‑ur‑amnn njmn.

kullu ma‑intln, ra‑t‑ẓrn mddn tigira. kullu ma‑idln, ra‑t‑zzudfn ssbayynn‑t‑id.

lliġ tssn‑tmġart‑lli is‑ur‑tẓḍar a‑tssntal mayd‑as‑ijran, tašk‑id tḍr ġ‑dar iḍarn n‑yasuɛ ar‑ttrgigiy s‑tawda. tini‑as ġ‑lgddam n‑mddn‑an kullutn ma‑f‑as‑tggr ula mamnk a‑s‑tjji ḥayna. yini‑as yasuɛ: «way‑illi, tjjit ġilad ašku tumnt. zayd s‑sslamt.»

ddun imḥḍarn ssfaqn‑t inin‑as: «wa‑sidi, wa‑sidi, ha‑yaġ ra‑nhlk.» inkr yasuɛ yamr aḍu ula taḍangiwin, s‑zgan kullu, iwrri‑umda ihnna bahra.