Popular Bible Verses from luqa 7

Share

rad‑ak‑iniġ, s‑kigan ad‑dars‑iɛzza ma‑igan win rbbi, ašku ggutn ddnub‑ns lli‑f‑as‑iṣamḥ. imma yan mi iṣamḥ f‑ma‑idrusn, ġir imikk a‑s‑rad‑dars‑iɛzzu.» yini ilmma i‑tmġart: «ittin fllam ddnub‑nnm.»

imma yasuɛ inna i‑tmġart: «ha‑kmmi tnjmt ašku tumnt. zayd s‑sslamt.»

tbidd ġ‑tġurdin n‑yasuɛ ġ‑dar iḍarn‑ns ar‑talla. ar‑d‑ṭṭarn imṭṭawn‑ns f‑iwurzan n‑yasuɛ, ar‑as‑tsfaḍ iwurzan s‑wazzar‑ns ar‑tn‑tsudun ar‑tn‑tẓġġur s‑tujjut.

mayan a‑f‑ur‑n‑dark‑uškiġ ašku ḥšmġ, walaynni ġir ini yan‑wawal s‑ijji‑uh̬ddam‑inu. ha‑yyi ula nkki ar‑skarġ s‑wawal n‑ma‑yyi‑yugʷrn, ilin iɛskrin ġ‑ddu‑ufus‑inu. iġ‑nniġ i‑yan: ‹ddu› iddu, iġ‑nniġ i‑wayyaḍ ‹ašk‑id› yašk‑id, iġ‑nniġ i‑uh̬ddam‑inu ‹skr tawuri‑ad› iskr‑tt.» lliġ isfld yasuɛ i‑mayad itɛjjb. igrawl ġ‑mddn‑an ggutnin lli‑d‑dids‑munnin yini‑asn: «rad‑awn‑iniġ, ur‑jju‑ufiġ kra n‑yan yumnn zund ġwad, ula ġ‑gr ayt‑rbbi.»

ġ‑tasaɛt‑an ar‑ijjujji yasuɛ kigan d‑mddn ġ‑llant‑tmuḍan d‑waṭṭan d‑ljnun ʷh̬šnnin, ar‑itrara ibukaḍn ggutnin ad‑isfiwn. isawl yasuɛ yini‑asn: «zaydat tinim i‑yuḥanna f‑ma‑tẓram ula ma‑mi‑tsfldm. ha‑ibukaḍn ar‑ttisfiwn, ikušamn ar‑fttun, injdamn ar‑tġusn, iḍrḍar ar‑sflidn, ġwilli mmutnin ar‑d‑nkkrn, imẓlaḍ ar‑tn‑ilkkm lh̬bar ifulkin.