Popular Bible Verses from yuḥanna 16

Share

kullu mayad nniġ‑awn‑t baš a‑tili sslamt‑inu ġ‑uwlawn‑nnun. takrrayt a‑rad‑awn‑yili ġ‑ddunit. walaynni zɛmat, ha‑yyi nriġ ddunit.»

imma ġakud nna‑d‑yuška rruḥ l‑lḥqq, rad‑awn‑iml lḥqq kullut. ur‑ra‑isawal zġ‑ih̬f‑ns, walaynni rad‑awn‑isawal f‑maylli mi isflid iml‑awn ma‑ra‑yili ġ‑mayd‑d‑iftan.

ur‑jju‑tḍalbm yat s‑ism‑inu ar ġilad. ḍalbat yili‑awn, tɛmmrm s‑lfrḥ iggutn.

walaynni lḥqq a‑rad‑awn‑iniġ, yuf‑awn ad‑dduġ. ašku iġ‑ur‑ddiġ ur‑ra‑d‑srun‑yašk‑waɛwin, walaynni iġ‑ddiġ rad‑awn‑t‑id‑aznġ. ra‑d‑yašk ntta, ar‑issbayyan lḥqq i‑mddn f‑ddnub lli‑skarn, ula afulki lli‑s‑irḍa rbbi, ula lḥukm lli‑ra‑ittut f‑ddunit.

ula kunni, taġ‑kʷn‑tguḍi ġilad, walaynni ra‑kʷn‑daġ‑ẓrġ, tfrḥm s‑uggʷar. ur‑illi ma‑rad‑awn‑ikkis lfrḥ‑nnun. ġ‑uwssan‑an ur‑sul‑ra‑zgigi‑tḍalbm yat. lḥqq ayad, lḥqq a‑rad‑awn‑iniġ. iġ‑tḍalbm kra i‑baba s‑ism‑inu, rad‑awn‑t‑ifk.

lḥqq ayad, lḥqq a‑rad‑awn‑iniġ. rad‑frḥn mddn n‑ddunit‑ad, ṭiyyr‑awn kunni ar‑tallam, taġ‑kʷn‑tguḍi. walaynni ra‑tggʷru‑tguḍi‑nnun s‑lfrḥ.