Popular Bible Verses from yuḥanna 15

Share

«nkki giġ ddalit, tgm kunni tiṣṭṭwin. wanna gigi izgan zgaġ gis, nttan a‑ra‑iskar lġllt iggutn. iġ‑gigi‑ur‑tzgam ur‑ra‑tiẓḍarm i‑yat.

zgayat gigi, zgaġ gigun. ur‑ra‑tiẓḍar‑tṣṭṭa a‑tfk lġllt iġ‑ur‑tzga ġ‑ddalit. ula kunni ur‑ra‑tiẓḍarm a‑tskrm lġllt iġ‑ur‑gigi‑tzgam.

iġ‑gigi‑tzgam zgan gigun iwaliwn‑inu, ra‑tḍalbm aynna tram ityawfka‑yawn.

ur‑iyi‑tstim kunni walaynni nkki a‑kʷn‑istin, ẓliġ‑kʷn a‑ttidum ar‑tskarm lġllt iggutn lli‑rad‑bdda‑idum. ġmkad a‑s‑rad‑awn‑ifk baba aynna zġ‑gis tḍalbm s‑ism‑inu.

ur‑tlli lḥnant yugʷrn tin yan ifkan ih̬f‑ns immt f‑ssibt n‑imddukkʷal‑ns.

ar‑zgigi‑itkkis tiṣṭṭwin nna‑ur‑iskarn lġllt. ar‑ifrrn kraygatt taṣṭṭa nna‑yakkan lġllt baš a‑tigat lġllt‑ns s‑uggʷar.

ġmkad a‑f‑ra‑kʷn‑uṣṣaġ. tḥnnwat i‑ngratun ġmklli gigun tḥnnuġ.

ġmkad a‑s‑ra‑itmjjd baba, ašku ra‑tskarm lġllt iggutn, iban gigun is‑tgam imḥḍarn‑inu.

yini‑asn yasuɛ: «nkki a‑igan ddalit iṣḥan, ig baba bu‑igr.

wanna ur‑gigi‑izgan, ra‑n‑ityawgar s‑brra zund taṣṭṭa, iqar. wan tiṣṭṭwin‑an, ar‑tnt‑ssmunun luḥn‑tnt‑in ġ‑lɛafit ad‑jdrnt.

«kullu mayad, nniġ‑awn‑t baš ad‑awn‑yili lfrḥ‑ad dari illan, tɛmmrm s‑lfrḥ iggutn.

iġ‑a‑tskarm s‑luṣiyat‑inu ra‑tzgam ġ‑tayri‑nu, ġmklli skarġ s‑luṣiyat n‑baba zgaġ ġ‑tayri‑ns.

imma ġilad ar‑kʷn‑tuṣṣaġ a‑ttḥnnum i‑ngratun.

mrad is‑tgam win ddunit, ra‑kʷn‑ttirin ayt‑ddunit zund mddn‑nsn. walaynni ẓliġ‑kʷn zġ‑ddunit. ur‑akkʷ‑tgim win ddunit. mayan a‑f‑a‑kʷn‑tkrhun ayt‑ddunit.