Popular Bible Verses from Homa 5

Share

Ai ene‑nima Deoso ene ni awire, ai ene amosara, ai ababone, Deoso ai‑ya nofi nafi ene Bidi i‑di Yeso Kirisito‑ta ababisane, ai manakone‑ya nanahabebonaha.

Deoso tabaro‑ya ai winabone yama ai nimana, Deoso‑ka Doni ai atibodi‑ya wine ene Deoso ai‑ya nofi nafi ai wato, ai‑ya nofi fawaterebonane.

Hibayata Yeso ati‑ya ai no‑nofa, Yeso ati‑ya mai nofara ai‑ya mai kaka, ai‑ya mai bisi na, fara mai ihi ai yawara ai ya‑yainibisa, ai komene ene ai habo kiti ba‑basi nabone ai watoneni. Ai habo kita, ai yawara, ai ene sibarabone Deoso ati ne. Deoso ene ai habo kita, Deoso amosabote tabaro‑ya ai kobonabone yama ai nimana, ai ya‑yainaboneni.

Yeso ati‑ya ai no‑nofa Deoso ai‑ya ati somawame, ai‑ka Ayo i‑di Yeso Kirisito ai manakone‑ya nanahabe ene ai manakone wadamara, Deoso ai‑ya ati yawamare, ai‑ya ati somatene. Deoso‑ya ai tamine‑ya Yeso Kirisito hiyare, “Abi, tika mai tiawahi. Mai manakone onahaba, owati‑ya mai nofawaha, tika dao mai tohawahani.” Ati tene. Deoso ai‑ya kasomi fawatere, tabaro‑ya ai winamakebone, ai ya‑yainineni.

Hibati‑ya Deoso ai watora, ai ene towe tonafe, ai‑ya ai kasomi watora, Deoso ati ai nofi awisarihi niya, Deoso ati‑nima Kirisito abematane, ai manakone‑ya nanahabebonaha.

Yeso abe, emene tokafodo ene Deoso ai‑ya ati somawame, Yeso ene Deoso ai‑ya ati yawamaterebonane.

Adaho i‑di Deoso ati‑ya tokadabare ene ai nafi ene towe toha, Yeso Kirisito Deoso ati‑ya tokadabe ene Deoso ai nafi‑ya ati somawame, ai‑ya awe, Yeso ene amose‑nima ai ene na ai‑ya awabisane.

Makobote Deoso tabaro‑ya ai winabone, hibayata ai‑ka Ayo i‑di Yeso Kirisito ene Deoso ai‑ya ati somawame, ai ya‑yainawahani.