Popular Bible Verses from Homa 4

Share

Deoso ati‑nima yama kanibote ra, Deoso ati‑ya i‑di Abaraho nofe. Deoso‑ya kahiyare, Deoso ati‑ya nofi ba‑basi nematane. “Deoso kitabote ati‑nima yama naboneni.” Abaraho atibodi ati ne, habo kitematane.

Abaraho‑ka nodi mai tamine‑bone‑ya Deoso wato, mai tamine‑ya Abaraho‑ya hiyarematane. “Abaraho, owa ene tika nodi mai damawahatebone, mai tabori damateboneni.” Deoso ati nematane. Abaraho bidi awisareya, Deoso ati‑ya nofe, atibodi yama‑ya kadike, “Deoso kitabote tohe, ai aba, ai‑ya nakitamatene.” Abaraho atibodi ati nematane.

Yeso‑ya mai nanahabameteni, ai ene amosara ai manakone‑ya nanahabebonaha. Yeso‑ya Deoso nakitamematane, ai‑ya ati somawamebonaha.

“Amowa mai dama mai‑nima tika nodi mai teboneni.” Deoso ati nematane. Abaraho bote tohe, fadi bote toha na, bidi awisare, Deoso ati‑ya nofasa ne, habo kite. Deoso mai‑ya kasomare‑mana, mai‑ka ewe wadare nane. “Oka nodi mai damabone Deoso ati ne, oka nodi mai damaboneni.” Abaraho atibodi ati nematane.

Fare Deoso ati‑nima yama nabone ai watowahineni. Deoso ati‑ya Abaraho nofemata, fare‑nima Deoso ati ai nofe, ati‑nima yama ai kayafaboneni. Ai ene tohi awirini. Deoso hini ene ai‑ya kasome, ai‑ya ati somawamebonane. Yodeo oda toha, Deoso ati oda nofiya, Deoso ati‑nima yama na oda kayafaboneni. Abaraho‑ka nodi yokana oda amani. Fara‑nima Bara dai toha, Deoso ati dai nofiya, Abaraho‑ka nodi yokana dai tohahare, Deoso dai‑ya ati somawamaharibonane. Deoso ati ai no‑nofa ai nafi‑ka idi i‑di Abaraho toha tene.

“Deoso ati‑ya mai tokadabaramaro, Deoso mai‑ya ati somawame, mai ihi‑ya ati sawimare mai ya‑yaiteni. Mai ihi‑ya Deoso kadikare, mai ya‑yaiteni.” Dafi ati nematane.

Deoso‑ka yama hani ati dai mitahi. “Deoso ati‑ya i‑di Abaraho nofe ene Deoso ati somawamane.” Deoso‑ka yama hani ati nineni.