Popular Bible Verses from Homa 3

Share

Ai nafi ene amosaramaro, Deoso ene amose hinama tohe, ene‑nima ai ene terani. Ai nafi ene amosara, ai ene manakone wadasa na‑mani, ai aba neni. Deoso ai‑ya kasomebona, Bidi‑ya yosematane, ai manakone‑ya nanahabebonaha. Ai manakone‑ya Yeso Kirisito nanahabe, ati ai nofeya, Deoso ai‑ya ati somawame, Deoso ati ene ai manakone wadamarani.

Yeso Kirisito Deoso tabaro hawine‑ya wamanemata, ati ai nofe, Deoso ai‑ya ati somawamatene. Yodeo oda toha, Bara dai toha, dai na, Deoso ai‑ya awe, fara hinama ai toha, Yeso ati‑ya ai nofiya, Deoso ai‑ya ati somawamebonane. Ai ene amosara‑ya Deoso fawanihi, ai ene amosara wadamara‑nima ai ene nawahani.

Deoso hini Bidi‑ya daane. Yeso abe, emene tokafodo, hini emene‑ya ai manakone‑ya nanahabematane. “Abi Deoso, owa manakone Yeso hinahabamete, owa‑ya tiwati somawamahi.” Ai atibodi ati na, Deoso ai‑ya ati somawamatene. Ai manakone abara‑mani, ai nafi aba neni. Deoso ene amose hinama ai nafi awabone, hini ene tamine‑ya kaminane. Hibati‑ya Yeso abi awisareya, mai one ihi‑ya Deoso kadiki awisareya, Yeso abebona‑ya Deoso nimanematane. Mai manakone‑ya Yeso nanahabaharibona‑ya Deoso watomatane. Hibayata Deoso ene amose hinama‑ya ai nafi awabone, hibati‑ka mai manakone‑ya Yeso nanahaba, ai manakone‑ya nanahaba nane. Deoso ati‑ya mai nofamete, Yeso ati‑ya ai nofa na, Deoso ai‑ya ati somawamane.

Mose ati‑ya ai ati tokadaba, ati nafi ai tokadabare, Deoso ai‑ya ati somawami awirane. Mose ati ai kadika, ai ene towe‑ya ai watowahateni.

Deoso‑ka yama hani ati dai mitahi. “Bofe‑ya dai wi‑wina dai ene amosa hinama tohaterani. Dai owa ohari ene amose‑ba wadarene. Bofe‑ya dai wi‑wina yama amosa‑ya dai watora, Owa‑ya dai atibodi nokotoniterani. Owa hawine‑ya dai sawimara, Dai ati kasira, Owa noko‑ka dai ene amosara hinama dai toha, Dai owa ohari ene amose‑ba wadarene.”

Yeso ati‑ta ai nofa, Deoso ati somawamatene. Ai ene amosa ene tohi awirihi, Mose ati ene tohi awirihi nane.

Deoso ati‑nima yama nasa naboneni. Ati fawaterebonane. Ai nafi‑ta keyehe‑ya ai hirina awineni. Deoso‑ta keyehe‑ya hiriterene. Deoso ati‑nima yama na dai awaboneni. Deoso ati ai kadika, “Deoso ati tosawariterene. Hini ati‑nima yama teni. Deoso ati‑ya mai nofara, Deoso ati‑nima yama nasa nineni.” Deoso‑ka yama hani ati nineni.