Popular Bible Verses from Matiye 26

Share

ꞌCibije dɔ rɔ-si gə ang ɓo ꞌdəjije Luba mba kar-si osoje dan nena gə ang. Kəji lə-si a njigi to njang ja ngaa darɔ mbɔr-ɛ gə mbɔr-ɛ.

N-pa n-ar-je na: Mə-m gangə man saar ce kəm gə lə-m ar m-əndə ba̰y yo; isije nee ɓo ɔgə-je kəm-si ɓi sə-m.

Cibi n-ɔdə gə kede njɛ̰ ɗaa, n-təl n-dəbə no-ɛ nangə n-dəji Luba to gə be: Bɔy, ɓo ɗəw to nama ɔsə nekay ꞌməsərə gə nee le ta-m gə ngərəng gə ɗangə! Ngaa ꞌɗa mə njigi lə-i ꞌi ja ɓo kar-m ꞌma ang.

ꞌYe gə nee le to məsə-m, məsə kone gə kay nangə mba dəwje bula, mba kar tar neɗa gə kṵra̰y ɔr ne dɔ-je gə.

Logə d-aw d-usa ne be ɗaa, Jeju un mbə kara, tɔr ndu-e kəne ɗaa, uwa cɛdə dana ngaɓa ula ar ngan njenendoje lə-a pa ne tar t-ɛ gə naa: ꞌTaje, usaje, ye gə nee le to gə darɔ-m.

Go-e gə n-un nekay, logə n-ɗa Luba oyo ɗaa n-ar-je n-pa ne tar t-ɛ gə na: Ayje gə kəm-si tɔ̰y

N-təl n-ɗe ɓə lə ngan njenendoje ɗaa, n-inga-je dɔ ɓi gə ngaɓa n-pa n-ar Piyɛr na: Asəje gə mba kɔgəje kəm-si ɓi sə-m kar kara baa ja kara nəm ang wa?

M-pa m-ar-si to gə un kud-e ɓogəne le, m-a kay gə si man bḭyə̰ nee ang gə dɔbo̰ ja saar ndɔ gə m-a təl kay gə si ꞌye gə sigi mə ɓeko̰ gə lə Bɔy.

Be ɓa mə Piyɛr ole dɔ tar gə Jeju pa kede ar-ɛ na: Nam ɓa kar kura̰ ila mbərə ɗaa a ma̰y tar gɔl munda na ꞌgərə-m ang. N-ɔsə lo n-ce ɗaga ngaɓa n-no ɓəgəgə-ɓəgəgə.

Ḭje taar ar-si j-awje, na nje kun dɔ-m le aw ɗe.

Ɗaa, Jeju pa ar-ɛ na: ꞌTəl gə kiya bay lə-i ula lo-e gə; mba dəwje tɔ̰y gə d-ɔr kiya bay dɔ ngan marəje-je gə le d-a kuy yo kiya bay ja tɔ.