Popular Bible Verses from Lúcas 14

Share

Oimeraẽ oúva che rendápe ha ohayhuvéva itúva térã isýpe, hembireko térã ita’ýrape, ityvýra térã iteindýrape, térã hekoveteépe jepe chehegui, ndaikatúi oiko che remimbo’e ramo.

Ha upe ohupi’ỹva ikurusu ou hag̃ua che rapykuéri, ndaikatúi oiko che remimbo’e ramo.

Opaite oñembotuicháva ijupe oje’apo’iva’erã, ha opaite oñemomirĩva ijupe oñembotuichava’erã.

Upéicha avei oimeraẽva pende apytégui ohayhuve ramo imba’eita chehegui, ndaikatúi oiko che remimbo’e ramo.

Máva piko pende apytégui omopu’ãse ramo peteĩ óga yvate (tórre), ndoguapýi raẽ oipapa hag̃ua mboýpa ohupitýne ichupe oikuaa hag̃ua ipirapire rupípa ojapótapa térã nahániri. Ani hag̃ua oñepyrũ ojo’o pe óga yvate raporã, ha upéi opágui ipirapire ndaikatuvéi ojapopa upe hóga yvate, ha oimeraẽva oñembohorýta hese he’ívo: Ko kuimba’e kóva naiñakã porãi, oñepyrũ omopu’ã ha ndaikatúi ojapopa, opágui ipirapire.

Rejapo ramo karuguasu, ehenoiuka uvei mboriahukuérape, ijyva’ỹvape, ikarẽvape, hesatũvape. Ha nde revy’aveva’erã, ha’ekuéra ndaikatúigui omyengovia ne rembiapo porã, ág̃a oñemyengoviáta ndéve umi heko potĩva oñemoingove jeyha árape.

Pe juky iporã, opáichavo nahe’ẽvéi ramo, mba’éichapa ñamohe’ẽ jevýta. Ndovalevéima yvýpe g̃uarã térã abónope g̃uarã, oñemombokuaántema ytýpe. Upe ijapysáva ohendu hag̃ua, tohendu.