Popular Bible Verses from Lúcas 13

Share

Peñeha’ãmba peike hag̃ua pe okẽ po’i rupi, Che ningo ha’e voi peẽme: Heta ohekátava oike hag̃ua, ndoikemo’ãi katu noñeha’ãmbáigui hikuái.

Ha upépe og̃uahẽ avei peteĩ kuñakarai hasýva, peteĩ mba’epochy omokarapãva ichupe, ha ndikatuvéima oñembo’y porã 18 áño pukukue rupi. Hesu ohechávo ichupe ohenói ha he’i ichupe: Nde kuñakarai, ne mba’asy ojeíma ndehegui.

Ha Hesu omoĩvo ipo hi’ári, upevove ha’e oñakãrapu’ã ha oñembo’y porã jevy, ha ha’e omomba’eguasu Ñanderuetépe.

Peikuaa porãke, oime ramo ko’ág̃a itapykuéva upérõ itenondéta, ha oime ramo ko’ág̃a umi itenondéva upérõ itapykuéta.

Pe óga jára opu’ã rire omboty hag̃ua hokẽ peẽ peñepyrũta pepyta okẽ renondépe ha pembotáta pe okẽ pejévo: Ore Jára, eipe’ána oréve ne rokẽ; Ha’e katu ombohováita peẽme he’ívo: Che ndapoikuaái, mamoguápa peẽ.

Nahániri, Che ha’e peẽme, ha peẽ napeñembyasýi ramo pejapo haguére mba’evai, katuete peẽ péicha peñehundipáta avei.

Ha’e katu he’íta peẽme: Ha’éma ningo peẽme ndapoikuaaiha, ni mamoguápa peẽ, tapehopa che rendágui peẽ mba’evai apoha.

Upéi Hesu he’i: Mba’épepa ojogua Ñanderuete retãguasu, mba’eichagua mba’e reheve piko ambojojáta. Ojogua ningo mostáza ra’ỹime peteĩ kuimba’e oñotỹva’ekue ikokuépe, ha okakuaapa rire oiko ichugui peteĩ yvyra tuicháva, ha umi guyra ojehaitypo hakã rehe.