Popular Bible Verses from ROMEŊ 5

Share

Səma Pepeŋ gaŋ gud bele nuutu bə cəərə áŋ wəra haa də bə minti Kristu bəŋ a me wəra gud áŋa də ko bə minti áŋ kəm kaa kə bayməlaŋ ɗaw.

Ɗiki də áŋ bə malə-mele toŋ kole kese a áŋ ba, gud bə minti Pepeŋ ayaŋ bele nuutuŋ ku tarmə áŋa də Tiiru Cetcetaŋ də minti wə a ayna a áŋ.

Ada pə ɗaw haa minti, áŋ ufi ku áŋ dər lasi də awte cəərə áŋa gud bə minti wəra də dər áŋ minti lasi taŋ kolə áŋ gə nakə-neke bə halaŋ. Bə minti áŋ halnaŋ neŋ, áŋ ji yaŋ ɓeti a kəkəy bə minti Pepeŋ goloŋ koɗ áŋ neŋ. Áŋ jəəne ɓeti a gole bə koɗ áŋaŋ, ɗiki də áŋ ji yaŋ bə malə-mele saksaki cəərə Pepeŋa gəm.

Bədoona ana, Pepeŋ wəra bə kolə-kole áŋ ɗeker duru gud deŋa tə pə moŋ, kəkaɓiŋ máŋ hebkəna aduubə də áŋa də Pepeŋ gud Barkaŋ náŋ Yeesu Kristuŋa. Bəŋəŋ kəkəy wəra cəərə áŋa minti áŋ falə pisi bə minti Pepeŋ jəw sar kaŋaŋ la boobo faɗiŋ haa tó, gud bə minti áŋ gə doo-de guuduŋ. Áŋ gə əsə-isi də səɓaki haa dər pisi toŋa gəm, daana áŋ ufi ku áŋ haa gud ɗiki də áŋ bə malə-mele bə cəərə Pepeŋa minti wə ɗe a ɓarse boblo nuutuŋ yaŋ də áŋ.

Gəəzi, bə minti áŋ a saksaki paapa bə he baymele bə sar áŋa wəra baŋ, Kristu bəŋ a me wəra gud áŋ kaa kə ji baymeleŋa bə pəw wəraŋ. A ŋəmaŋ ko toŋ haa Pepeŋ.

Pepeŋ koloŋ áŋ wəra duru ɗeker haa gud kor də Kristu gəm. Bədoona ana, wəra cəərə áŋa faɗi minti wə de áŋ yaŋ wəra ku kəəti kə Pep bə minti sə a ɗe a de áŋ.

Gud bay humi bə kosoŋ kə hulum məna'iŋa, kaa kə ablaw koloŋ kaa kə bayməlaŋ. Bədoona ana gəm, gud humi bə kosoŋ kə huluma məna, kaa kə ablaw kole dər Pepeŋa ɗeker gəm.

Kəm ada pə ɗaw haa minti, Pepeŋ jəŋ kir minti áŋ ufi ku áŋ la gud bə minti Barkaŋ náŋ Yeesu Kristu haraŋ bə tepe áŋa duuru haa toŋ.