Popular Bible Verses from ROMEŊ 6

Share

Gud maa mo werke bə gud baymeleŋ haa meŋ. Səma karman bə minti Pepeŋ əyu a kaŋ booboŋ haa dədərgə də bay tewe də minti wəra də tapə-tepe də Yeesu Kristu Barkaŋ náŋ.

Bədoona ana ta, baymeleŋ bə ji abay cəərəŋa pəda gud bə minti aŋ paapa kir kasi *ku giliŋ ba, aŋ máŋ kir kasi pisi bə minti Pepeŋ jəw cəərə kaŋaŋ.

Bə minti yə jəŋ batem a áŋ, áŋ meŋ wəra haa duuru faɗi, yə vaŋ áŋ a tələŋkə wəra haa duuru gəm kir minti Pep Abaŋ harə áŋ la wəra dədərgə adordə meŋa damdi wə a haraŋ Kristu wəra dədərgə də səɓaki nuutu də daŋə-deŋeŋ ana gəm. Wə haraŋ áŋ wəra dədərgə haa minti ɗe də áŋ jəə la kimirwi.

Aŋ a yaake kəkəy a karman dəŋ anə məna bə ji baymele minti wə kolə la wəra karman bə joŋre bə kel kə gul-gulaŋ ba. Ana ɗaw ha'aŋ, aŋ haraŋ wəra dədərgə adordə meŋa tə kəm, aŋ ayə kusrəŋ la wəra keɗe a Pepeŋ kir minti wə jəə joŋre la dəərəŋ bə jəəti kel ɗekeriŋ.

Áŋ asə la wəra pisi minti, bə minti yə ɓəlnu wəra a kəbaŋ gə largaŋaŋ, hulum bə minti áŋ a jəŋ ajew bədoonaŋ, wə wəra bə ɓalə-ɓele duuru, kir minti kusrə áŋ bə hatə-hate də baymeleŋ a ji pəda daana minti áŋ a ji kafkam kə baymeleŋ pəda gəm.

Bədoona ana, aŋ gəm ha'aŋ, aŋ golə kusrəŋ la damdi me dəŋ wəra bə ɓarsə-ɓarse dəərəŋ də baymeleŋ ana daana aŋ máŋ dədərgə haa a Pepeŋ gud tepe nəətiŋa də Yeesu Kristu.

Áŋ waate ta'i kənaŋ minti harmə mo? Áŋ raawə la də ji bə baymeleŋ kir minti pisi bə minti Pepeŋ jəw cəərə kaŋaŋ zulə la mo? Paapa anə ceki! Me bə minti áŋ miinuŋ cəmaŋ adəwaldə áŋ wəra də baymeleŋ tə bə moŋ, áŋ neke bə raawe duru naanaanə mo?

Aŋ wəra gə asə-ase minti, aŋ ayaŋ kusrəŋ ne a hulum minti aŋ jəə la kafkam nuutu bə humi kosoŋ cuuruŋ, aŋ ji haa kafkam nuutu gəəzə-gəəzi. Aŋ jəəne bə humi kosoŋa cəərə baymele bə minti ɗe a mele kaŋ a meŋaŋ, aŋ haa kafkam nuutu. Aŋ jəəne bə humi kosoŋa cəərə Pepeŋaŋ, aŋ haa kafkam kə humi bə kosoŋ toŋ, daana wə ɗe a məlaŋ haa a kel gə minti Pepeŋ koloŋ wəra ɗeker duruŋ gəm.

Áŋ jəə suuse la a Pepeŋ, gud maa mo aŋ a jəŋ kafkam kə baymeleŋ, səma bə hebkənaŋ, aŋ humuŋ kosoŋ wəra də ku tarməyaŋ soki məna cəərə kar gə minti yə a hatnaŋ dəŋ, gə minti gəəziŋ. Aŋ wəra gə bədə-bidi ku baymeleŋa, aŋ koloŋ máŋ kafkam kə kel ɗekeriŋ.