Popular Bible Verses from ROMEŊ 3

Share

gud bə minti yə keɗe kaa kə ji baymeleŋ. Gud teŋa ta, yə wəra gə haa-he giidi tooto sar Pepeŋa dər boblo nuutuŋa. Səma gud pisi nuutuŋa, wə kole kaŋ duru ɗeker boobo anə faɗi haa gud tepe neeteŋa də Yeesu Kristu, hulum bə minti bidiy wəra ku baymeleŋaŋ.

Pepeŋ kole kaŋ duru ɗeker haa gud de neete bə gud Yeesu Kristuŋa. Wə ji də hulum mundu mundu mo bə minti doŋ neŋ haa bədoona ana, gud maa mo wə gole kaŋ gəga'-gəga'i

Pepeŋ ayaŋ damdi karman bə keere ana haa tó faɗi, kir minti wə pəə baymele kə kaa gə minti doŋ ne guuduŋ la wəra də kor du. Karman bə minti wə juunuŋ ge dər minti tó jəŋ haa ɗeker bə minti tó sə a ji daŋgay də kaa kə dayday gud baymele bə minti yə a bə juutuŋ, səma tó məətəŋ. Wə ge dər pa minti wə kəm dayna ɗeker, gud maa mo wə bə balə-bele minti tó jəə la ɗeker, daana tó kole kaa gə minti doŋ gud Yeesu la wəra ɗeker dər tó gəm.

Haa gud teŋa ta minti, jəəne nuutu minti hulum kəman a ɗee la gud ku giliŋa keɗeŋ, Pepeŋ kole hulum anə məna duru ɗeker cəərə teŋ ba. Gud maa mo ku giliŋ keye hulum haa bə ase minti wə jəŋ baymeleŋ təwa faɗi.

Damdi wəra bə jeerə-jeere giidə Kefter kə Pepeŋa ana minti: Hulum bə minti ɗeker dər Pepeŋa, paapa, koo nuutu məna. Hulum bə minti anə məna bə ase gud kel kə Pepeŋ, paapa. Koo məna bə minti bə gulduŋ, paapa gəm. Yə keɗe yaakaŋ kəkəy kə Pepeŋ wəra, Yə koloŋ wəra gə ɓalkə-ɓalke keɗe, Anə məna bə minti ji pisiŋ, paapa, koo nuutu məna.

Gud maa mo, haa kəna karman bə minti are bə waate wəra bədoona anaŋ, minti: Pepeŋ kole hulum duru ɗeker haa gud deŋa, paapa gud bə minti wə doŋ ku kel gə giidə ku giliŋ wəraŋ ba.

Paapa bədoona ba anə ceki! Pepeŋ bə əsə-isi saksaki haa cəərə gəəziŋa, jəəne nuutu minti kaŋ ŋete kel keɗeŋ. Yə haa damdi wəra gə jeerə-jeere giidə kefter nuutuŋa cuuru ana minti: «Dər kel nəmti gə waateŋaŋ, kaŋ ase yaŋ wəra kaŋkaŋ minti tam saksaki ɗeker. Jəəne minti yə jamnam kəəti dəm neŋ, wə neke bə dom ba anə ceki gəm.»