Popular Bible Verses from ROMEŊ 2

Share

Tam bə minti ceme kəəti də kaa kə jəəti kel teŋ, anaaŋa tam bə ji bə té ana gəm, tam ɗiki haa minti tam deŋe wəra ku kəəti kə Pepeŋa mo? Ɗalba pisi boblo bə minti Pepeŋ jəw, kel gə minti wə jəm daŋgay dəm hebkən-hebkəna faɗi baŋ, daana mi nuutu bə ku kel, yə gole dərəma haa kel kə bagŋ mo? Tam paapa bə asə-ase bə mo minti wə jəŋ pisi toŋ sarəma haa kir minti tam nakə la bə kolə kerkem a baymele nəmtiŋ?

Bədoona ana, tam nuutu mindi mindi mo bə minti ceme kəəti də kaŋ, kamkam nəmti paapa, gud bə minti tam cəməy kəəti di daana tam də kusrum bə ji akas té ana gəm. Kəya a kəkəy bə jəməy kəəti diŋaŋ, tam wəra bə doo-de kusrum də kəəti tam toki faɗi.

Gud maa mo, Pepeŋ ji kel haa anə gəga'-gəga'i də kaŋ.

Gud maa mo Pepeŋ kole hulum duru ɗeker haa paapa gud jeɓre bə ku giliŋa təwa ba. Wə kole ɗeker duru haa hulum bə minti ji joŋre də kel kə ku gili toŋ.

Də hi toŋa ateŋaŋ, wə werke mindi mindi mo yaŋ də aŋar də kel gə minti wə a jiitiniy.

Kə kaayaŋ gə minti gargaŋ də waŋ də Pepeŋ, yə haraŋ dər gəəziŋ warnaŋ, daana yə doŋ baymeleŋ ciiri kumnaŋ, waŋ daana kəəti kə Pepeŋ bə awe yaŋ ciiri gəm.

Gud tete nəmtiŋa daana minti tam bele ke kum wəra cəərə baymele nəmtiŋa baŋ, tam bə ɗampe cəərəma haa daŋgay mooto-mooto də minti ɗe a jəm yaŋ dər hi bə minti Pepeŋ ge gud waŋ nuutuŋ yaŋ wəraŋ, daana wə jeme kəəti də kaŋ yaŋ a kuɗuŋa faɗiŋ.