Popular Bible Verses from ಅಪೊ.ಕ್ರಿ 2

Share

ಪೇತ್ರೆ ಅಕ್ಲೆಗ್, “ನಿಕ್ಲೆನ ಪಾಪೊಲು ಪರಿಹಾರ ಆವರೆಗಾದ್ರ ನಿಕುಲು ಮಾತೆರ್ಲಾ ಪಶ್ಚಾತಾಪ ಪಡೆದ್ ಯೇಸು ಕ್ರಿಸ್ತನ ಪುದರ್‌ಡೇ ದೀಕ್ಷಾಸ್ನಾನ ಮಲ್ತೊನ್ಲೆ, ಅಪಗ ನಿಕುಲು ಪರಿಶುದ್ಧಾತ್ಮನ ವರೊನು ಹೊಂದುವರ್, ಅಂದ್‌ದ್ ಪಂಡೆ.

ಮೊಕುಲು ಅಪೊಸ್ತಲೆರೆನ ಬೋಧನೆನ್ ಕೇನುನೆಟ್ಲಾ ಸಹೋದ್ರೆರೆನ ಅನ್ಯಮನ್ಯೊಡು ರೊಟ್ಟಿ ಪೊಲ್ಪುನೆಟ್ಲಾ ಪ್ರಾರ್ಥನೆಡ್ಲಾ ನಿಲೆ ಆದಿತ್ತೆರ್.

ಅಪಗ ಅಕುಲು ಮಾತೆರ್ಲಾ ಪರಿಶುದ್ಧಾತ್ಮದ ಶಕ್ತಿಡ್ ದಿಂಜಿದ್ ಬೇತೆ ಬೇತೆ ಭಾಷೆಲೆಡ್ ಪಾತೆರಿಯೆರೆ ಸುರು ಮಲ್ತೆರ್.

ಅಪಗ ಬಿರುಗಾಳಿ ಬೀಜುನಂಚ ಬಾನೊಡು ಒಂಜಿ ಶಬ್ಧ ಉಂಡಾದ್ ಅಕುಲು ಕುಲ್ಲುದಿತ್ತಿನ ಇಲ್ಲಡ್ ದಿಂಜಿದ್ ಪೋಂಡು. ಬೊಕ್ಕ ಅರ್ಲೊಂದಿತ್ತಿ ತೂತ ಲೆಕ್ಕಂತಿನ ನಾಲಯಿಲು ಪಾಲ್ ಆದ್ ಅಕ್ಲೆಗ್ ತೋಜಿದ್ ಅವು ಒರಿ ಒರಿಯನ ಮಿತ್ತ್ ಕುಲ್ಲುಂಡು. ಅಪಗ ಅಕುಲು ಮಾತೆರ್ಲಾ ಪರಿಶುದ್ಧಾತ್ಮದ ಶಕ್ತಿಡ್ ದಿಂಜಿದ್ ಬೇತೆ ಬೇತೆ ಭಾಷೆಲೆಡ್ ಪಾತೆರಿಯೆರೆ ಸುರು ಮಲ್ತೆರ್.

ಅಕುಲು ದಿನಾಲ ಒಂಜೇ ಮನಸ್ಸಾದ್ ದೇವಾಲಯೊಡು ಕೂಡೊಂದಿತ್ತೆರ್. ಅಕ್ಲೆನ ಇಲ್ಲ್ ಇಲ್ಲಡ್ ರೊಟ್ಟಿ ಪೊಲ್ತುದು ಸಂತೋಷೊಡ್ಲಾ ಶುದ್ಧ ಮನಸ್‌ಡ್ಲಾ ವಣಸ್ ಮಲ್ತೊಂದಿತ್ತೆರ್. ದೇವೆರೆಗ್ ಸ್ತುತಿ ಮಲ್ಪುನಾಕುಲುಲಾ ಮಾತ ಜನೊಕುಲೆ ದಯೊನು ಪಡೆಯೊಂದಿತ್ತೆರ್‌. ಪ್ರತಿ ದಿನ ಹೆಚ್ಚೆಚ್ಚ ಜನೊಕುಲು ರಕ್ಷಣೆ ಪಡೆಯೊಂದು, ಕರ್ತವೆ ಅಕ್ಲೆನ್ ಮಾತೆರೆನ್ಲಾ ಕೂಟೊಗು ಕೂಡಾವೊಂದಿತ್ತೆ.

‘ಕಡೇ ದಿನೊಟು ಯಾನ್ ಮಾತ ಜನೊಕುಲೆ ಮಿತ್ತ್ ಎನ ಆತ್ಮೊನು ಕಡಪುಡುವೆ. ನಿಕ್ಲೆ ಅಂಜೊವುಲ್ಲಾ ಪೊಂಜೊವುಲ್ಲಾ ಪ್ರವಾದನೆ ಮಲ್ಪೆರ್, ನಿಕ್ಲೆ ಜವನ್ಯೆರ್ ದರ್ಶನೊಲೆನ್ ತೂಪೆರ್, ನಿಕ್ಲೆನ ಹಿರಿಯಾಕುಲೆಗ್ ಕನ ಕಟ್ಟು.

ನಂಬಿನಾಕುಲು ಮಾತೆರ್ಲಾ ಒಟ್ಟುಗು ಇತ್ತ್‌ದ್ ತನ್ಕುಲೆಡಿತ್ತಿನೆನ್ ಸಂತೋಷೊಡು ಪಟ್ಟೊಂದು ಜೀವನ ಮಲ್ತೊಂದಿತ್ತೆರ್. ತನ್ಕುಲೆ ಭೂಮಿ ಆಸ್ತಿಲೆನ್ಲಾ ವಸ್ತುಲೆನ್ಲಾ ಮಾರ್ದ್ ಬತ್ತಿ ಕಾಸ್‌ನ್ ಮಾತೆರೆಗ್ಲಾ ಅಕಲ್ನಕಲ್ನ ಅಗತ್ಯೊಗು ತಕ್ಕ ಪಟ್ಟ್‌ದ್ ಕೊರೊಂದಿತ್ತೆರ್.

ಆಂಡ ಕರ್ತವ ಪುದರ್‌ನ್ ಲೆಪ್ಪುನಾಕುಲೆಗ್ ರಕ್ಷಣೆ ಆವು,’ ಅಂದ್‌ದ್ ದೇವೆರ್ ಪನ್ಪೆ.

ಕರ್ತವೆ ಕುಡೊರ ಬರ್ಪಿನ ಗಂಭಿರದ ದಿನ ಬರ್ಪಿನೆಕ್ಕ್ ದುಂಬು ಯಾನ್ ಬಾನೊಡು ಕಾರ್ನಿಕೊಲೆನ್ ತೋಜಾವೆ, ಭೂಮಿಡ್ಲಾ ಗುರ್ತೊಲೆನ್ ಉಂಡು ಮಲ್ಪುವೆ, ನೆತ್ತೆರ್, ತೂ ಬೊಕ್ಕ ಮಿತ್ತ್ ಪೋಪಿನ ಪುಗೆ ಮಾತ ಉಪ್ಪು, ಸೂರ್ಯೆ ಕತ್ತಲೆ ಆವು, ಚಂದ್ರೆ ನೆತ್ತೆರ್‌ದಂಚ ಕೆಂಪಾವು.