Popular Bible Verses from ಅಪೊ.ಕ್ರಿ 1

Share

ಆಂಡ ಪರಿಶುದ್ಧಾತ್ಮೆ ನಿಕ್ಲೆ ಉಲಯಿ ಬನ್ನಗ ನಿಕುಲು ಬಲ ಪಡೆದ್ ಯೆರೂಸಲೇಮುಡ್ಲಾ ಇಡೀ ಯೂದಾಯೊಡ್ಲಾ ಸಮಾರ್ಯೊಡ್ಲಾ ಭೂಮಿದ ಕಡೆ ಮುಟ್ಟಲಾ, ನಿಕುಲು ಎನ ಸಾಕ್ಷಿದಾಕುಲಾದುಪ್ಪುವರ್.”

ಅಪೊಸ್ತಲೆರ್ ಒಟ್ಟಾದುಪ್ಪುನಗ ಯೇಸುಡ ಕೇಂಡೆರ್, “ಕರ್ತವಾ, ಈ ಉಂದೇ ಸಮಯೊಡು ಇಸ್ರಾಯೇಲ್ ಜನೊಕುಲೆಗ್ ಕುಡೊರ ರಾಜ್ಯೊನು ಸಮ ಮಲ್ತ್‌ದ್ ಕೊರ್ಪನಾ?” ಪಂಡ್ದ್ ಕೇನ್ನಗ ಯೇಸು ಅಕ್ಲೆಡ ಪನ್ಪೆ, “ದಿನ ಬೊಕ್ಕ ಕಾಲೊಲೆನ್ ನಿರ್ಧಾರ ಮಲ್ಪುನ ಅಧಿಕಾರ ಅಮ್ಮೆರೆಗ್ ಒರಿಯಗ್ ಮಾತ್ರ ಉಪ್ಪುನು, ಅವೆನ್ ತೆರಿಯೊನ್ನವು ನಿಕ್ಲೆನವು ಅತ್ತ್.

ಇಂಚಾದುಪ್ಪುನಗ ಒಂಜಿ ಸರ್ತಿ ಅಪೊಸ್ತಲೆರೆ ಒಟ್ಟಗು ಕೂಡ್ದುಪ್ಪುನಗ ಯೇಸು ಪಂಡಿನಿ ದಾನೆಂದ್ಂಡ, “ಯೋಹಾನೆ ಜನೊಕುಲೆಗ್ ನೀರ್‌ಡ್ ದೀಕ್ಷಾಸ್ನಾನ ಮಲ್ಪಾದಿತ್ತೆ. ಆಂಡ ಒಂತೆ ದಿನತ ಉಲಯಿ ನಿಕ್ಲೆಗ್ ಪರಿಶುದ್ಧಾತ್ಮೊಡ್ದು ದೀಕ್ಷಾಸ್ನಾನ ಆವು. ಎನ ಅಮ್ಮೆ ಒಂಜಿ ವಾಗ್ದಾನ ಮಲ್ತ್‌ದೆ. ಯಾನ್ ಐತ ಬಗೆಟ್ ನಿಕ್ಲೆಗ್ ದುಂಬೇ ತೆರಿಪಾದೆ. ಆ ವಾಗ್ದಾನದ ವರೊಕ್ಕಾದ್ ನಿಕುಲು ಯೆರೂಸಲೇಮುಡೇ ಕಾತೊಂದುಪ್ಪುಲೆ,” ಅಂದ್‌ದ್ ಅಪ್ಪಣೆ ಕೊರಿಯೆ.

ಸನ್ಮಾನ್ಯ ಥಿಯೊಫಿಲಾ, ಯೇಸು ತಾನ್ ಅಜತ್‌ದ್ ದೆತ್ತೊಂಡಿ ಅಪೊಸ್ತಲೆರೆಗ್ ಪರಿಶುದ್ಧಾತ್ಮಡ್ ಅಪ್ಪಣೆ ಕೊರಿ ಬೊಕ್ಕ ಆಯನ್ ಈ ಲೋಕೊಡ್ದು ಮಿತ್ತ್ ದೆರ್ತಿ ದಿನತ ಮುಟ್ಟ, ಯೇಸು ಸುರು ಮಲ್ತಿನ ಮಾತೆತ್ತ ವಿಷಯ ಯಾನ್ ದುಂಬತ್ತ ವಿವರ ಮಲ್ತ್‌ದೆ. ಆಯೆ ಕಷ್ಟ ಬತ್ತ್‌ದ್ ಸೈತಿ ಬೊಕ್ಕ ಜೀವಾದುಲ್ಲೆ ಅಂದ್‌ದ್ ಬೇತೆ ಬೇತೆ ದೃಷ್ಟಾಂತೊಲೆಡ್ದ್ ಅಪೊಸ್ತಲೆರೆಗ್ ನಲ್ಪ ದಿನ ಮುಟ್ಟ ಅಪಗಪಗ ಅಕ್ಲೆಗ್ ತೋಜಾವೊಂದು ದೇವೆರೆ ರಾಜ್ಯದ ವಿಷಯೊಲೆನ್ ಪನೊಂದಿತ್ತೆ.

ಈ ಪಾತೆರೊಲೆನ್ ಅಪೊಸ್ತಲೆರೆಗ್ ಪಂಡಿ ಬೊಕ್ಕ ಅಕುಲು ತೂವೊಂದುಪ್ಪುನಗ ಆಯನ್ ಮಿತ್ತ್ ದೆರ್ತ್ತ್‌ಂಡ್ ಮುಗಲ್ ಆಯನ್ ಮದೆ ಮಲ್ತಿನೆಡ್ದ್ ಅಕ್ಲೆ ಕಣ್ಣ್‌ಗ್ ತೋಜಂದೆ ಪೋಯೆ.

ಯೇಸು ಮಿತ್ತ್ ಪೋವೊಂದುಪ್ಪುನಗ ಅಪೊಸ್ತಲೆರ್ ಬಾನದಂಚಿ ದೃಷ್ಟಿ ದೀದ್ ತೂವೊಂದುಪ್ಪುನಗ ಬೊಲ್ದು ಕುಂಟು ಪಾಡ್ದಿನ ರಡ್ಡ್ ಜನೊಕುಲು ಒರನೆ ಅಕ್ಲೆ ಕೈತಲ್‌ ಬತ್ತ್‌ದ್ ಉಂತಿಯೆರ್, “ಗಲಿಲಾಯದಾಕುಲೇ, ದಾಯೆಗ್ ಬಾನೊನೇ ತೂವೊಂದು ಉಂತುದರ್? ಉಂದೇ ಯೇಸು ನಿಕ್ಲೆ ಕಣ್ಣೆದುರುಡು ಎಂಚ ಪರಲೋಕೊಗು ಮಿತ್ತ್ ಏರ್ದ್ ಪೋಯೆನಾ ಅವ್ವೇ ರೀತಿಡ್ ಪಿರ ಬರ್ಪೆ,” ಅಂದ್‌ದ್ ಪಂಡೆರ್.