Popular Bible Verses from Joani 15

Share

Yami muvinyu, enu munyitayi; muntu washakamaŋa mudami ninami mudi yena, diyi wasoŋaŋa nyikabu yasweja kuvula; muloŋa chakadi ami himukutwesha kwila hela chuma chimuku.

Shakamenu mudami, ninami nishakami mudenu. Chakaŋanyaŋa mutayi kusoŋa nyikabu inka wawu chiŋa wushakama mumuvinyu, chochimu ninenu nawa mukukaŋanya chiŋa mushakama mudami.

Neyi mukushakama mudami, nimazu ami ashakama mudenu, mukulomba chonsu chimukukeŋa, akuyililachu.

Hiyenu mwantondeli amuku, ami yami natondelenu, nayikunjiki mudimu wakuya nakusoŋa nyikabu, ninyikabu yenu yakashakami yayiwenyi, kulonda ayinki chonsu chimukulomba Tata mwijina dami.

Hikudi kukeŋa kwabadika kwenikuku, kwakutulayi muntu wumi windi hanyijimba yawamabwambu jindi.

Nyitayi yejima yamudami yabulaŋa kusoŋa nyikabu, wayikunkulaŋaku; niyejima yasoŋaŋa nyikabu wayitookeshaŋa, kulonda yisoŋi nyikabu yayivulu.

Nayileji nami mukeŋaŋani, neyi chinayikeŋi dehi ami.

Chuma chakumulemesha nachu Tata yami, chochakusoŋa nyikabu yayivulu; himukwikala atumbanji twami.

Ami yami muvinyu walala, Tata yami diyi ndimi.

Neyi muntu nabuli kushakama mudami, akumunata neyi mutavi, wukuuma; akuyikuŋula nakuyinatila mukesi, yikusukuma.

Chinayileji yumiyi nalondi muzaŋalu wami wikali mudenu, nimuzaŋalu wenu wuwanini.

Neyi mukuhembaŋa munayilejaŋa mukusnakama mukukeŋa kwami; neyi chinahembaŋami mwanlejaŋawu kudi Tata yami, nashakamaŋa mukukeŋa kwindi.

Nukuyileja mwenimu kulonda mukeŋaŋani.

Neyi enu mwadiŋi ampata yamunu mwishina, akwampata yamunu mwishina adi kukeŋa antu awu. Enu himudi ampata yamunu mwishinaku, ilaŋa ami nayitondeli mukachi kawantu ampata yamunu mwishina; dihu hanafumi kuyihela kudi antu ampata yamunu mwishina.