Popular Bible Verses from Joani 14

Share

Kuwunda nayishiyih; kuwunda kunawundaŋami nayinki. Hinayinki neyi chahanaŋawu antu ampata yamunu mwishinaku. Bayi mwakama munyichima yenuku, bayi mutiya hela womaku.

Yesu hakumwila nindi, Ami yami njila, yami walala, yami wumi. Kwosi muntu niwumu wukwinza kudi Tata chiŋa hadami.

Bayi mwakama munyichima yenuku. Mwamukuhwelelaŋa Nzambi, nkuhwelelenu ninami nawa.

Ilaŋa Nkwashi, diyi Spiritu Wajila, akatemeshawu kudi Tata mwijina dami, diyi wakayileja yuma yejima, wakayanukisha yinayileji yejima.

Muntu wukweti mazu inayilejaŋa nakuyihemba, diyi wankeŋa; ninowu wankeŋa akumukeŋa kudi Tata yami, ninami nukumukeŋa, nukudimwekeshaŋa kudi yena.

Ami nakamulomba Tata, wakayinka Nkwashi mukwawu akekali nanenu nyaka yejima. Yowu Spiritu wansaŋu yalala, abulaŋa kutwesha kutambulawu kudi antu ampata yamunu mwishina; muloŋa abulaŋa kumumona, hela kumwiluka hiyamwilukaku; ilaŋa enu mwamwiluka muloŋa washakama nanenu, wakekala mudenu.

Chonsu chimukulomba mwijina dami nukuchila, kulonda Tata amulemesheli mudi Mwana. Neyi mukulomba chuma mwijina dami nukuchila.

Neyi mwankeŋa, mukuhembaŋa munayilejaŋa.

Mwitala daTata yami mwakushakama mwekala mwamuvulu; neyi himwadiŋi chochochuku nadi kuyileja. Nukuya nakuyiloŋeshela mwakushakama.

Chineli nami nukuya nakuyiloŋeshela mwakushakama, ami aweni nakenza cheŋi nakuyitambula; kulonda kunakekalami, diku mwakekali ninenu nawa.

Tomasi hakumwila nindi, Mwanta, hitweluka kuwukuyaku; indi njila tukuyiluka ŋahi?