Popular Bible Verses from Matie 24

Share

Sa tɛtɛ'n b'ɔ wa sɔn'n ti sran kpanngban be sran klolɛ'n ɔ ´wie. Sanngɛ sran ng'ɔ trɛ i anwlɛn lele ju i awieliɛ'n, ɔ ´fite nun.

Be wa kan Nyanmiɛn sielɛ'n i jasin fɛ nga mɛn wunmuan'n nun nan sran'n kwlaa be `ti Nyanmiɛn ndɛ'n. I sin yɛ mɛn i awieliɛ'n ɔ ´ju-ɔ.»

Amun wa ti alɛ i wun ndɛ nin i nganniɛn, nán man amun klun titi amun, afin san sa sɔ'm be ´yo.

Sanngɛ kɛ ɔ ko yo sɔ'n, wuun mɛn i awieliɛ nian ju-man ka. Nvle kun wa jao nvle kun wun, yɛ famiɛn kun wa jao i wiengu famiɛn kun wun. Lika wie'm be nun'n awe'n wa kpɛn, asiɛ'n ɔ wa keje. I kwlaa sɔ'n ti nyrɛnnɛn'n i bue nuan kaan sa.

Nyanmiɛn b'ɔ la nglo lɔ plaii'n nin asiɛ'n be ´sin, sanngɛ min ndɛ'n i blɛ'n su sin-man le.»

Afin sran sunman be wa fa n dunman'n be ´se kɛ be yɛ be ti Krist nin-ɔn. Be wa laka sran kpanngban.

Be wa fa amun wla nyrɛnnɛn nun, be ´kun amun, yɛ nvle'n kwlaa be ´kpɔ amun n dunman nun. Ɔ man sran sunman bé ti nun ɔ ´saci, be ´fa be wiengu wlɛ sran'm bé sa nun, be ´kpɔ be wiengu. Sran kpanngban bɔ be tɔn bé wun suɛn kɛ be ti Nyanmiɛn nuan ijɔfuɛ'n, be wa jao laka sran kpanngban.

Jésus seli be kɛ: «An `sasa amun wun kpa, nán man be laka amun.

I sɔ'n ti, amun kusu an `buabua amún wun sie, afin m bɔ n kacili Sran'n m ´ba dɔ nga an bu-man min akunndan'n su.»

I sɔ'n ti, an `tran minndɛ, yɛlɛ kɛ an si-man cɛn nga amun Min'n ɔ ´ba nun-ɔn.

«Cɛn sɔ'n nin i dɔ'n, sran fi si-mɛn i, san min Si kunngba cɛ yɛ ɔ si i-ɔ. M bɔ n ti i Wa'n bɔbɔ n si-mɛn i, yɛ nyanmiɛn su lɔ anz'm be kusu be si-mɛn i.

Afin be bɔ be tɔn bé wun suɛn kɛ be ti Krist'n, ɔ nin be bɔ be tɔn bé wun suɛn kɛ be ti Nyanmiɛn nuan ijɔfuɛ'n, be wa jao yɛ be ´yi atrɛ, yɛ be ´yo abonuan sa mun lele kɛ be nga Nyanmiɛn fali be'n sɛ be laka be-ɔ ɔ yo ye'n, be waan wuun be ´laka be.

Kɛ m bɔ n kacili Sran'n n wa ba'n, sran'm be ´yo kɛ Noe i blɛ su'n sa. Blɛ sɔ'n nun'n, kɛ nzue dan'n i tɔlɛ'n ɔ ka kaan ´ju'n, sran'm be di like, be nɔn nzan, be ja bla nin bian lele fa ju cɛn nga Noe wluli mmeli nun'n. B'a bu-man like fi akunndan lele nzue dan'n ɔ wa fa be kwlaa ɔli. Kɛ m bɔ n kacili Sran'n m balɛ'n ɔ wa yo sɔ-ɔ .