Popular Bible Verses from Matie 23

Share

Sran ng'ɔ ti dan tra amun kwlaa'n, man ɔ su i wiengu mun.

Sran ng'ɔ yo i wun dandan'n, Nyanmiɛn wa guɛ i nyin ase, sanngɛ sran ng'ɔ tu-mɛn i wun'n, Nyanmiɛn man ɔ ´nyan nyrun.

Amun mmla klefuɛ mun nin Farizifuɛ mun bɔ amun ti dunman klofuɛ mun, an yako! Yɛlɛ kɛ an yi mant'n, nin anɛt'n, ɔ nin kumɛn'n be blusu'n, sanngɛ an yaci mmla ng'ɔ ti cinnjin'n, nin nanwlɛ dilɛ'n, nin aunnvuɛ silɛ'n, ɔ nin sa kpa yolɛ b'ɔ man sran'm be fa bé wla gua amun su'n. Sa sɔ'm be yolɛ'n yɛ ɔ ti i su nin-ɔn, sanngɛ nán an yaci wie'm be yolɛ.

Amun mmla klefuɛ mun nin Farizifuɛ mun bɔ amun ti dunman klofuɛ mun, an yako! Yɛlɛ kɛ an wunnzin klowa nin talie'm bé sin'n, sanngɛ like nga an nyɛnnin i wue kekle su amun konvi kpli'n ti'n yɛ ɔ o nun-ɔn.

«Ɔo Zerizalɛmfuɛ mun! Zerizalɛmfuɛ'm bɔ an kun Nyanmiɛn nuan ijɔfuɛ mun'n, bɔ an fin be nga be sunman be amún sin'n be yɛbuɛ'n, blɛ sunman n klo kɛ n ´flɛ amun kɛ akɔ ta kun flɛ i mma mun b'ɔ utu be su'n sa, sanngɛ amu'an kplin-man su!

Amun kusu kɛ an ti sɔ-ɔ. Kɛ sran'm be wun amun'n, an fa sran kpa, sanngɛ dunman klolɛ'n nin sa tɛtɛ'n kwlaa be o amun anwlɛn'n nun.