Popular Bible Verses from Marko 13

Share

Naa keibayuni intae iltung'ana pooki te nkaraki enkarna ai. Kake ore olong'iri ometabaiki enkiting'oto naa keitajeuni.

Entodol ate, entashololoto; amu miyiololo aajo kanu ebau ina kata.

Naa ore pee erikuni intae enkiguana aaitarasaa, eming'aing'ae te dukuya aajo aikijo aa; kake ina naishori intae teina saa entejo, amu mme intae ooiro, kake Enkiyang'et Sinyati.

Keishari keper o enkop, kake meishari irorei laainei.

“Kake ore ina olong o ina saa, meetae hoo obo oyiolo, aimeyiolo ninche lmalaika le keper, nemeyiolo Enkerai e Tung'ani, Papa ake oyiolo.

Naa te nining'ining'i njoreitin o lmarenke loo njoreitin, eming'aing'ae; amu meeta nchere pee metiu neijia; kake eton eng'or ina kiting'oto.

Entashololoto naa amu miyiololo aajo kanu elotu olopeny enkaji, anaa ae te nteipa, anaa ae te nasirie pee melotu ake neluamisho neinepu intae irurara. Naa ore ina najoki intae, neijia ajoki pooki: entashololoto.”

Amu kedumakino olorere olikae orere, nedumakino enkitoria enkae kitoria; netumi olokirikiri le nkop too wuejitin kumok, netumi lameitin; naa ena enkiterunoto oo sinaitin.

Nemeeta nchere pee meng'asi aalikioo ele rorei supat too loreren pooki.

Kepuonu lkumok te nkarna ai, ejo, ‘Nanu ilo!’ Neitapong'oo lkumok.

“Kake entodol ate. Amu keitarasakini intae nkiguanat; neari intae too nkajijik enye e ntumo; nintasheshe te dukuya ilaitoriak o laiguanak te nkaraki nanu, pee iakuku shakeni te dukuya ninche.

Keinyototo loo Kristo le lejare o loibonok le lejare neitoduaaya lmonek o mbaa e nking'asia, ejo maitapong'oi, te naa keidimayu, ebaiki lelo ootegeluaki.

“Kake ore te nena olong'i, etulusoitie lelo sinaitin, nemisimisu enkolong, nemeitoki olapa awang'u nesulunye ilakir te keper, neikirikirieki engolon o loing'ang'e.