Popular Bible Verses from Marko 12

Share

Newaliki Yesu ajoki, “Ena naituruk, ‘Toning'o iyie Siraeli; Enkai ang Olaitoriani; obo Olaitoriani; naa tonyorra Olaitoriani Enkai ino to ltau lino pooki, o te nkishui ino pooki, o te ng'eno ino pooki, o te ngolon ino pooki.’ Naa ena eniare, ‘Tonyorra ole latia ino anaa eninyor kewan.’ Meetae ae kitanapata kitok nalang nena.”

Neipotu Yesu lkipaareta lenyena enetii, nejoki, “Esipa, ajoki intae, etipika ena oliai aisinani nkumok alang lelo kulikae pooki ootipika ilo sanduku. Amu etipika pooki te nkumoi naata; kake ore ninye to sina lenye netipika entoki duoo pooki naata, entoki duoo pooki naishuyie.”

Neton Yesu aishiaakinore eneitadoikini mpisai e nkaji e Nkai, nejur olorere epik mpisai ilo sanduku. Nepik iltung'ana kumok karsisi te nkumoi. Nelotu enkoliai aisinani, nepik isuyan are naabaya olking'otore obo.

naa ti ninyorru ninye to ltau lino pooki o te ng'eno ino pooki, o te ngolon ino pooki, ninyorru sii ole latia ino anaa eninyor kewan, nelang nena kishorunot pooki naapeji elulung'a nelang ilasarri ake pooki.”

Nejoki Yesu ninche, “Enchoo Kaisari ine Kaisari, ninchosho Enkai ine Nkai.” Neing'asiakino ninche Yesu oleng.