Popular Bible Verses from Matayo 23

Share

Nee heedaádá' úr dirhunge, masók inós a sagadiyusmoohúng.

Umuúqo heewo oo ti kilós ureemiís ku niinawees, nee kudá' ti kilós niinaweemiís, ku urees.

“Kuungá' hhaahhafuúse, intsaahhatuusér hara'ayár Musa nee múk Farisayo, a tsaxwa sakwasleemarhúng kawa wa /akuta'. Asma kuungá' ilahhooár manákw nee daantláy nee piripíri an hanmaamisá', ar wák baraá mibaango tawa ar Mungú, ala muruú urén oo hara'aya ugwa meeré', gídaabá sla'aari nee gurtleemu nee haratlintaao. Gár kuungá' tunduwa hariím aqo muruuwí un tlehhá', ala muruuquú hatlá' sleeme mu mawaara'.

“Kuungá' hhaahhafuúse, intsaahhatuusér hara'ayár Musa nee múk Farisayo, a tsaxwa sakwasleemarhúng kawa wa /akuta'. Asma kuungá' daanduú isaangi nee oo qwaree/amo in hamtlitá', ala baraadae gár aa hats a malgu'uuma nee har qoomay wasle.

“Yerusalému, Yerusalému, kiídá' aaruusér tsu/aa/iim, nee kudá' tinda amoorók i ya/aáw kiwa tlaqwaaqut ar tlaa/e. A sagaáwa magá' án mukók nguwa dinkwár i burumburtá wa slaá', adoodár koonki tsiioorós ngir dinkwár i burumburaariin baraá hhaampi'iiwós i alé, ala kuungá' aga ya/aandi'iiká.

Kuungá' sleeme an adoodá', asma burtundu tsee/aá wa ga/áy nee muu, kuungá' a múk ganaá', ala gár baraahúng a hhaahhafiingw nee dee/aanu.