Popular Bible Verses from Matayo 24

Share

Qoomaadae dee/aanu i tlaahh, gawaá adoorihe sla'aarír múk yaariír i tsauúr. Ala heé ba/ám a kudá' qiítl ay alhhe'eesaay.

Slám iidíguú hhó' oo waawuti'iimár Mungú ku alki/iit baraá yaamu sleémeerowo as iwa lamabu'uungw tleehhiiti dír xoordu sleémeerowo. Daqaní alhhe'eesaydá' in sangw hardah.”

Kuungá' iidíguú slaqwara' uqo axasá', nee tsimaahhír slaqwara'. Ala ma da'ayuutara'. Asma tí gár kawa hariím aqo in geerí hardát, ala alhhe'eesaydá' aa xayká.

Asma xooro i tleér iwa slaqwarár eer amór xoororqá'. Nee waawutmoó xooro i slaqwarár áy amór waawutmoó xoorór hatlá'. Slám giyeét ni tleér. Nee yaamaá yaarire kunseeli i ti'ít. Tí sleémeero an iimu/úngw slahha'amu.”

Doori nee yaamu i waaraahhiyá', ala axweesante'eé' i waarahhká baloó alé.”

Asma múk yaariír ni hardah tiwa ateetin ar umuueé', tawa kaahi, ‘Aníng a Kristo.’ Nee inooín múk yaariír ku al/aay.

“Qoomaadae muu kuungá' nu sakii/ as slahha'amu kuwa sleera', nee nuri tsuu/. Nee kuungá' tunduri ahhiit nee xoordu sleémeero as aníng. Kaangwí iri dukutsmo tleehhiit dír múk yaarire, tiri kilooín sakikii/iyá' nee tiri ahhiitiyá'. Múk yaariír ni hardah, oo káh, ‘Atén a aaruuse’, ala a loeeká. Inooín múk yaariír kuri al/aay.

Yesu iri oó', “Magaahhé', hee munduwa al/aáy.

Gawaá adoorihe kuungá' ti amohhe'ese', asma qoomaadá' kuungá' ta haraxua'aaká, an qoomaadá' Garmoó Hee niwa hardahi.”

“Gawaá adoorihe dalaaé', asma baalár Aakoohúng iwa hardahi a xua'aaká.

“Ala iidíguú siiwadá' nee baalaarós heé gu xuú' i kaahh, tam malaykér gawaá doori, tam Garma, aqo har Baabá kilós.

Asma múk ni ti'iít i deer oo káh, ‘Aníng a Kristo,’ nee kookoo i kaahi, ‘Aníng a aarusmo,’ ala a loeká. Inooín laya ka tleehh nee muruú waa/oo/amo as múk yaariír kuwa al/ayi, barnaxes ka aleesláy kiwa al/ayi tam kudá' Mungú aa tsawaár.

Asma adoodá' aa tleehharuut qoomár Nuhuwo, an adoodá' tleehharuut sleeme bál hardahaamuú Garmoó Heewo. Asma qoomaadár tluwoó da/atén iwa tluúw, muu ina /ayín nee ina wahán, slám tana duuxuxún nee kina duxuút, tam ay deeloodá' Nuhu iwa dáh baraá miringamo. Gár taa tsaáhh i káhh gawaá tidá' aa tleehharuti ay qoomár ma'aay niwa wa/iyé', muu sleémeero kuri hayóh nee ma'aay. Adoorí an adoodá' tleehharuut bál hardahamuú Garmoó Heewo.