Popular Bible Verses from YOHANE 15

Share

Mi ni mzabibu; unywi mu matambi; ye eikaa hemi nami heye, uo egerisha; ambu mi nesina na unywi hesina cho mweidima kuronga.

Ikaeni hemi, nami he unywi. Sa vuntu itambi lesiveiwa kugera lo ijenye, lekisaikaa he mzabibu; na unywi nirehuvo, mwekisaikaa hemi.

Unywi mwekiikaa hemi, na viteto vyangu vyekiikaa he unywi, ombani chochose mweenda, na unywi muneketiwa.

Si unywi mwenisaghure mi, mira nimi nemusaghure unywi; nami nikamuvika mutonge muzegera ntunda; kangi ntunda jenyu jiidime kuikaa; nesa vyose mwenemwomba Vava he izina langu amuinke.

Tehena ena lukundo lubaha kuvecha ulu, lwa mntu kuinkija kuho kwakwe vuntu vwa vambwie vakwe.

Kila itambi leho hemi lesigera, elivusha, na kila itambi legera eliharehia, nesa lizike kugera.

Iazero langu ni ili: Mukundane, sa vuntu mi nemukundie unywi.

Huvo Vava wangu ekazwa, kila mwegerisha; na unywi muneoka varateri vangu.

“Mi nimi mzabibu wa idi, na Vava wangu niye mwimi.

Mntu ekisaikaa hemi, etaghwa na nze sa itambi, anyaruke; vantu vaavunganye vaataghe hena moto, atikimire.

Ivyo nemuvwirire, nesa kuizihirwa kwangu kuikae he unywi, na kuizihirwa kwenyu kukoloshwe.

Mwekigurisha maazero angu muneikaa he lukundo lwangu; sa vuntu mi negurishe maazero a Vava wangu na kuikaa he lukundo lwakwe.

Ivyo nimuazera unywi, nesa muidime kukundana.

Nanga mweki va si ii, si ii yekikunda vala e vayo; mira kila unywi mwe si va si ii, mira mi nemusaghure he si ii, heicho si ii imuvihiwa.