Popular Bible Verses from YOHANE 16

Share

Nemuvwirire ivyo nesa mukete mporere hemi. Aha he si ii muna vwasi, mira dindwani ni ngoro; mi navota si ii.”

Mira ye ekiza uo Mpeho wa idi, enemutonja amuingije he idi yose; ambu tekatete vyakwe mwenye, mira vyose enesikia eneviteta, enemumanyisha hata mburi ja vintu vyeneza.

Mhaka iki temunaomba kintu he izina langu; ombani na unywi munevona; kuizihirwa kwenyu kukoloke.

Mira mi nimuvwira echo cha idi; ni chedi he unywi, mi nivuke; ambu mi nekisavuka, uo Mraghenja tekaze he unywi; mira mi nekitonga ninemtuma he unywi. Naye ekikenja kuza, uo enekonesha si ii he mburi ya mabanu, na kitea, na mlaho

Huvo unywi iki muna kushinirwa; mira mi ninemuvona wa, na ngoro jenyu jeneizihirwa, na kuizihirwa kwenyu tehena enemughumba. Kangi uo msi temukanivwije kintu neri kimwe. Kididi, kididi, nimutio, Mwekiomba Vava kintu chochose he izina langu enemuinka.

Kididi, kididi, nimutio, Unywi muneia na kuwela, mira si ii ineizihirwa; unywi munesononoya, mira lusoyoyo lwenyu lunegharuka luoke kuizihirwa.