Popular Bible Verses from Luk 9

Share

Kandi Yesu yaagambira boona ati: Omuntu weena orikwenda kunkuratira, ayeyogye, ayekorere omusharaba gwe buri izooba, haza ankuratire.

Manya weena orikwenda kukiza amagara ge, aryagabuza; kwonka weena orikubuza amagara ge ahabwangye, aryagakiza.

Yesu yaamugira ati: Tihariho n'omwe okwata ekyoma ky'okuhingisa, akahinga naareeba enyima, oshemereire obukama bwa Ruhanga.

Mbwenu omuntu kiryamugasira ki okukubuura ensi yoona, haza akafeerwa nari akahwerekyereza amagara ge?

Omuntu weena oriitwa enshoni ahabwangye n'ahabw'ebigambo byangye, nawe Omwana w'omuntu nikwo arimutwaza, ku ariizira omu kitiinwa kye n'ekya Ishe n'ekya baamaraika abarikwera.

Yesu amugarukamu ati: Zaamuha zigira amaaya, n'enyonyi z'omu kaabunga zigira ebyashuri, kwonka Omwana w'omuntu tagira n'ah'okuta orubaju.

yaabagira ati: Weena orikwakiira ahabwangye omwana ogu omuto, biri niinye ayakiire. Kandi weena orikuunyakiira, biri ayakiire ogwo owantumire. Manya orikuhereerukayo omuriimwe niwe mukuru.