Popular Bible Verses from Luk 10

Share

Reeba, mbahaire obushoboorozi bw'okusingyeera enjoka n'ebinyabushegu, n'okuribatiirira amaani g'omuzigu goona; tihariho kintu kyona ekiribakora kubi.

Kwonka Mukama yaamugarukamu ati: Marita, Marita, oyemereize omutima noofa kubi n'ebintu bingi; haza ekirikwetengwa kiri kimwe kyonka. Mariya we yaatoorana omugabo ogurikukira oburungi ogutarimwakwa.

Ndi we ati: Kunda Mukama Ruhanga waawe n'omutima gwawe gwona, n'amagara gaawe goona, n'amaani gaawe goona, n'obwengye bwawe bwona, kandi na mutaahi waawe nk'oku oyekunda

Yaabagira ati: Eby'okugyesha ni bingi, kwonka abakozi ni bakye; n'ahabw'ekyo mushabe Mukama w'eigyesha ayohereze abakozi omu by'okugyesha bye.

Noogira ngu ahari abo bonshatu, n'oha owaayorekire ku ari mutaahi w'ogwo mushaija owaagwire omu bambuzi? Onu ati: N'owaamugiriire esaasi. Yesu yaamugira ati: Irooko naiwe otwaze otyo.

Mbwenu nimwirooko; reeba, nimbatuma muri nk'abaana b'entaama abari omu mishega.