Popular Bible Verses from Ebrewita 11

Share

Uruyarisawa kua yakuawawaa supiwa sese kua yasaruwaa yamaa, kua yakuawawaa santa sese kua tiwa yamaa. Nyãse puranga Deus umaa kuaita yaneramunyaita aintauruyari resewara.

Tiyapuderi yamusuuri Deus tirame yaruyari ae. Nyãse awa uputari umusuaki Deus urikute ukuawa ipia upe upakawaa ae, uxari yuiri purangawaa ainta supe kuaita uputariwaita ae.

Nyãse uruyarisawa irumu yapuderi yakuawa Deus umunya kua mundu inyenga irumu, umunya kua yamaawaa irumu kua tiwa yamaa. Uruyariwaita ambira

Uruyari resewara kua Abraão uruyari Deus umbeuwaa ixupe usu arama amu tetama kiti uxariwaa kuri ixupe arama, asui usu tiramere ukuawa maa kiti usu. Asui uruyari resewara uiku kua tetama uxariwaa ixupe kuaye amuita retama yawe, uiku suka upe enseradu suiwara irumu kua Izaki, Jaku yuiri, kuaita urikuwaita irumu kua umbeuwaa

Nyãse uruyari resewara kua Nue, Deus umbeu ixupe sese kua uriwaa kuri tiware aintaumaa; asui uruyari ae, umunya yepe batelão umukaturu arama suka puraita, ipupe yuiri uxari panye kua mundu ukuawa aintaukanyemu, asui ipupe yuiri uriku ae kua purangawaa uruyari resewara.

Nyãse Deus urasu Enuki panye ipira irumu, tiumanu uruyari resewara; asui tiaintauwasemu ae, nyãse Deus urasu ae. Nyãse senundere urasu ae Deus umbeu ixupe umusuuri ae.

Asui uruyari resewara kua Abel uxari Deus supe nimbawa uyukáwaa ixupe puranga piriwaa Kaim yaraita sui, asui ipupe puranga Deus umaa ixupe, asui Deus umbeu ixupe usuanti kua uxariwaa ixupe, asui umanu ae, maa upurungitare ae yande arama uruyari resewara.

Uruyari resewara kua Sara uxari ixupe arama ikirimbawasawa uriku arama imembira waimi rameana ae, nyãse ukuawate umunya kuaye umbeuwaa yawe kua umbeuwaa ixupe ae.

Usaru umaa kua tetama uikuwaa santa, Deus kua umusangawa ae, umunyawaa yuiri ae.

Asui uruyari resewara kua Muize kurumiwasuana ae, usaisu aintauseruka ae imembira ae kua Farao rayera; Uputari puxi aintaumaa ixupe aintairumu kuaita Deus miraita isui kua pekadu umusuuriwaa ae kutara. Nyãse puranga piriwaa umaa kua upurarawaa Kristu resewara isui kua Egituwaraita aintamaa, nyãse usaru umaa kua purangawaa. Asui uruyari resewara uxari kua Egitu, tiusikie ipiaiwasawa sui kua aintaruixawa, nyãse uiku santa kuaye umaawaa yawe kua tiware yamaa.

Asui uruyari resewara kua Abraão Deus uputari irumu usaã umaa ae uxari ixupe arama Izaki, asui kua urikuwaa kua Deus umbeuwaa suuriana ae, uyuká arama taira yepenyu

Asui uruyari resewara kua Raabi kua warixiwaa timaa ukanyemu aintairumu kuaita tiwaita aintauruyari, nyãse suuri usuanti kuaita israelitaita umunduwaita umaa aintarunde.

Asui aintauruyari resewara kuaita miraita, aintausasawa kua parana turusuwaa serawaa pirangawaa, kuaye iwi santawaa yawewaa rese yawe.

Asui aintauruyari resewara kuaita miraita uwariana Jeriku kuraraita ita suiwara aintauyatimana rire ikupe rupi seti ara.

Uruyari resewara umunya kua paskua, asui uyusena kua tuwi tiarama kua uyukásara uyuká kuaita israelitaita rairaita tuyuwewaita.

Asui uruyari resewara kua Juze kuayentu isui manusawa umbeu ainta supe kuaita israelitaita maitaa kuri aintausemu Egitu sui, umbeu yuiri maitaa kuri uputari aintaumunya ikãwera supe.

Asui uruyari resewara kua Jaku umanu irumu ae upurandu Deus uabensuari arama ainta kuaita Juze rairaita, asui umunya benditu Deus supe ibatuna rakapira rese.

Asui uruyari resewara kua Izaki upurandu Deus uabensuari Jaku, Ezau yuiri sese kua tiware aintaumaa.