Popular Bible Verses from Ebrewita 12

Share

Ape yariku rameana yaneruaki kuaita siyawaita umaawaita yande arama, yarikute yaxari yanesui panye ipusewaa, panye yanepuxuwerasawa yuiri uikuwaa yanerese, ape yarikute yayana tiyanekuere ipiri kua yanerunde kitiwaa. Yarikute yamaa sese kua Jesus, kua uyupiruwaa uruyari, umukaturu yuiri kua yaruyariwaa, kua uaguentariwaa upurara kurusa rese sesewara kua suuriwaa umaawaa senundere, timaa arama ixupe kua aintaumutiĩ ae, asui kuiri uwapika ikatusawa upe kua Deus trunu kiti.

Maa umpurarakari rame yande sasi yasaã ae, timaa umusuuri yande, maa arireana uxari tiyanepiaiwa yande, uxari yuiri purangawaa yamanduarisawa yande umpurarakariwaita.

Pesikari timaarese peiku puranga aintairumu panye kuaita apigawaita, pesikari yuiri pemanduariwaa ikiaimawaa, nyãse ikiawaa irumu tikuri pemaa yaneruixawa.

Ape perikute pemanduari kua uaguentariwaa turusu aintaumuruanyana rame ae turusu kuaita puxuwerawaita, tiarama pekuere penye, tiarama yuiri pitua peruyari.

Ape yarikute yaxari suuri yanepia, nyãse yarikute yaneretama tiwa upuderi umuriri; ape yarikute yamee Deus supe purangawaa kuaye uputariwaa yawe yamanduari resewara ae puranga, yasikie resewara yuiri isui.

Perikute peaguentari umpurarakari rame penye, nyãse Deus umunya yande arama kuaye taira yawe. Nyãse awataa kua taina tiwa ipaya umpurarakari ae ipuxuwerasawa resewara?

Nyãse tata sendiwaa kua yaneDeus.

Nyãse kuaita yanepayaita kua mundu puraita aintaumpurarakari yande kuairantu kuaye aintauputariwaa yawe, maa kua Deus umpurarakari yande yaiku arama puranga, yariku arama yamanduarisawa purangawaa kuaye iyawe.

Tire pemburi peruwi pemuruanyana resewara pepekadu.