Popular Bible Verses from Ebrewita 10

Share

Ape tiyapuderi timaarese yande isui kua yayumuatiriwaa upe kuaye aintayawe kuaita yepeyepe, maa yarikute yambeu ainta supe kirimbawa kuaye kutarawaa yawe usika sangawa kua mundu.

Ape yarikute yuiri yamanduari puranga amuita irumu, yayugustari arama puranga, yamunya arama yuiri puranga.

Ape yarikute yaiku santa sese kua yasaruwaa, tiarama mukuĩ yamanduarisawa, nyãse kua umbeuwaa yande arama ae umunya kuaye umbeuwaa yawe.

Nyãse watari penye arama pasiensia pemunya arama kuaye Deus uputariwaa yawe, periku arama kuri kua umbeuwaa.

Ape yarikute yamusuaki ae yanepia supiwa irumu, yaruyari resewara puranga, ikiaimawaa yanepia panye puxuwerawa sui, ikiaimawaa yuiri yanepira ii ikiaimawaa irumu.

Ape tepemburi kua uruyarisawa purangawaa, nyãse ipupe kuri periku turusu purangawaa.

Nyãse yaputari rame yaiku yanepekadu rese yakuawa rireana kua nyenga supiwa, tikuri umburi yanesui yanepekadu; Anyunte usaru yande kua yawaitewaa yapurarawaa kuri, kua ipiaiwasawa turusuwaa uxariwaa kuri aintaukanyemu kuaita umuruanyanawaita ae.