Popular Bible Verses from 1 Kurintuwaraita 11

Share

Aintaumbau rire Jesus upisika yepe kupu, unyee: "Kua kupu aete nyenga pisasua seruwi upe, pemunya kuaye pemanduari arama ixe mairame peu ae." Yawewarawate kuri irumu kua pão kupu yuiri pemukame aintaumaa mayetaa umanu kua peruixawa ate mairame uri yuiri.

Kua hambeuwaa penye arama aete kua Yaneruixawa umbeu ixe arama. Nyã pituna aintaumprezu runde ae, Yaneruixawa upisika yepe pão; Uabensuari rire kua pão umpena ae, unyee: "Aete sepira kua, ukanyemu kuri peresewara, pembau ae pemanduari arama ixe."

Ape pexari aintaumanduari aintapia upe aintayaweyawe kuaita miraita aintaumbau arama kua pão aintauu arama kua kupu sui yuiri. Umbau rame, uu rame yuiri kua tiwa ukuawa mayesawataa ipira aintaumunya ixupe puxi kua umbauwaa uuwaa yuiri.

Umbau rame yaneruixawa pão, uu rame ikupu sui yuiri kua tiwa uputari uxari ipekadu uriku ipuxuwerasawa sese nyãse umutenyuntu kua yaneruixawa ipira suwi yuiri.

Pemunya kuaye hamunyawaa yawe nyãse hamunya kuaye Kristu umunyawaa yawe.