Popular Bible Verses from 1 Kurintuwaraita 12

Share

Uxari muraki ainta supe aintayaweyawe irumu kua Espiritu, puranga arama aintauiku muiri ainta.

Kuiri Kristu ipira penye, ape ipira rakangaita panye peyaweyawe.

Upurara rame yepe yanepira rakanga aintaupurara kuri irumu panye yanepira rakanga. Puranga rame uiku yepe yanepira rakanga suuri kuri irumu panye.

Uxari yepe upurungita ukuawawaa yawe irumu kua Espiritu, uxari yuiri amu ukuawa umbeu nyenga purangawaa irumu kua Espiritu. Uxari yuiri amu uxari ipia sese uruyari kirimbawa irumu kua Espiritu, uxari yuiri amu umburi mãsi Espiritu irumu. Uxari yepe umunya milagri, uxari amu utitika, uxari amu ukuawa espirituita rese. Uxari amu umbeu arama amuita nyenga, uxari amu umbeu mayesawataa kua amuita nyenga.

Yawe uxari aintaumunya irumu kua Espiritu, aete uxari aintaukuawasawa aintayaweyawe kuaye uputariwaa yawe.

Yepewasu arama yanepira rakangaita uiku, aintauwajudari arama aintairumu yepewasu.

Siya kuaita Espiritu uxariwaita yande arama, maa yepenyute kua Espiritu. Siya yanemuraki yaneruixawa supe maa yepenyute kua yaneruixawa. Siya yapuderi yapuraki ixupe kua Deus maa aete kuri uxari yanepia upe yakuawa arama mayetaa yapuraki ixupe muiri yande.

Deus uyupiru uxari apustuluita aintauwajudari ingreja upe, asui uxari kuaita utitikawaita inyenga, asui umbuesaraita, asui umunyawaita milagri, asui umburiwaita mãsi, asui uxari yepeyepe uajudari amuita, asui uxari usarusaraita, asui uxari yepeyepe aintaumunya panye maa ixupe, asui upurungitawaita amu nyenga rupi.

Timaa yepenyu uriku sakanga kua yanepira maa siyawaa ae.

Maa kua yanepira rakangaita pituawaa ainta tiyapuderi timaarese yande aintasui.

Yaneresa rame panye yanepira, maitaa maa yapuderi yasendu? Yaneapisa kuara rame panye yanepira, maitaa maa yapuderi yasetuna yanetiĩ upe? Maa Deus uxari panye yanepira rakangaita panye kuaye uputariwaa yawe. Yepenyu rame maa yanepira rakangaita mametaa kua yanepira.