Popular Bible Verses from Pomulanya 25

Share

Wali i Pue Yawe mangansono, Ia manganto’o, “Naka pei mawali palaong etu apa ana to la’u raya ngkompomu etu ana api. Wali korom damampoanaka dua ana panewa ri tempo to darata wiyaa nu anamu to dua etu damawali yau dua suku pei suku dua etu taa datuwu masingkatao. Suku to wiyaa nu anamu to kadua, sira semo to roso-roso, wali sira damanganangi suku to wiyaa nu anamu to tu’anginya. Wali see naka wiyaa nu anamu to tua’nginya damawali to papolaong nu wiyaa ntua’inya.” Etu semo pasono i mPue Yawe resi i Ribka.

Wali see naka ia manganto’oka i Yakub, “Waika aku sangkodi anu mawaa nuluga etu dakukoni, apa aku mayu’umo wukungku.” Etu semo to nato’oka i Esau tu’ainya. Wali apa saba ia rani mangkoni tala’u to mawaa etu see naka yako etu i Esau nato’oka wo’u ntau i Edom, apa batuanginya mawaa.

Wali yako ri kasiwaka i Ishak sira dua i Ribka etu, masae sangkodi panewa manasa i Ribka ia apa. Wali see naka i Ishak mampokai-kaika ia marapi sawang resi i Pue Yawe see sira dua damangarata ana. Wali i Pue Yawe mangandonge pokai-kai Ishak etu see naka i Ribka mawali mayu’u.

Wali i Esau mangansono, ia manganto’o, “Matao, apa tare batuanginya resi aku nempo damangarata panta mpa’angku sakonya damate moro.” Pei i Yakub manganto’o, “Sumpa ruyu pei janjika aku monso pu’u korom damangawaika aku panta mpa’anta etu.” Wali i Esau mangansumpa pei mamparajanjika i Yakub, ia manganto’o, “Kuparajanjika korom dakuwaika yau resi korom panta mpa’angku to aku damangantima.”

Wali ojo kasoyanya i Esau etu, panewa mansaka rapoanaka seja ana to kadua etu. Tempo soya ia re’e mangkongko tompo ntodu ntukakanya, see naka ia rasangaka i Yakub, apa Yakub ane basa Ibrani mosu sewaju ewa santaa to batuanginya “tompo ntodu”. Wali tempo i Ribka mampoanaka ana api etu, tempo etu i Ishak ia ono mpuyumo to’unya.

Wali pa’a nsira dua, i Ishak, ia masanang mangkoni nae to nakenika i Esau ia, wali see naka ia mamporayang kojo i Esau. Pei i Ribka mamporayang kojo i Yakub.