Popular Bible Verses from JUAN 15

Share

“Öwö chääjö nönge wa, änwanno yaajädö nönge maato. Ñäädä öwö jaadäädono, öwö chääjadä weiya’jäcä mmaja, ñäädä nödöödö nejanga’de, täjösse weiñä töweiye naichöje; öwö jaadä’da mmaane tödööjai’cha maato.

Jaadäädä eichäcä, ajaadäiñeedä waadöje mmaja. Chääjö jonno dhajäädö waajäca’jäcä töwoije ejössataajai’cha töweiye nai. Yääje mmaja änwanno, jaadä’da aweiya’comjäcä aashicha aweichöcoomo ejaamö’da eijai ña yaawä.

“Jaadä dea aweiya’comjäcä, neecammajäätödö chö’taqueejö’da aweiya’comjäcä mmaja, yaawä tameedä ane’catäädöcoomo äwwäiñe nä’tua’de.

Änwanno yei’cha meiya’quene; öwööne maneichäne. Öwö mane’tätääne aweejössataadöcoomo wetä, yeichöje adheejedöödöcoomo yeichö wetä. Tameedä öwö yeetö joi Jaaja wwä ane’catäädöcoomo, töwö nu’a’de.

Töweichacoono junnei wäämanä yää yää wä’jummanä chäänöngato; anejja ’je’da na yää nöngato wä’jummanä e’jodhaato.

Tameedä dhajäädö täjössemjönö Jaaja najääca; täjössato mmaane Jaaja nichooneca, jooje’cä yeejössataadö wetä.

Edä yää öwö waanontädö: Ä’jummatääcä öwö mämjummaatoodöje mmaja.

Ännödööcomo wejanga’jäcä aashicha Jaaja weichö eneejojai maato; yaawä sootoi chäänönga’comooje äänejoojai maato.

Edääje Jesuuquidiito cönä’döaacä: —Öwö ñäädä chääjö, chäänöngato wejössataadö; chuu dänei nönge Jaaja na.

Ñäädä öwö jaadäädonoojönö nätäämaja yaawä, dhajäädö yu’taajä tödöödö naichöje. Yää dhajäädö yu’taajä soto ni’jummaato yaawä wa’to nwaca yau’cwadö wetä.

“Mädääje äwwäiñe ya’deuwa öwö ya’cwaniiyö ’je aweichöcoomo wetä, chäänönge jeene adha’cwaniiyöcoomo eiye.

Öwö waanontädö tödööa’jäcä äwwäiñe umjummadööje dea eijai maato, Jaaja nijummadööje waadöje mmaja, ñaanontädö tönnöe weijäcä.

Edääje manaanontaato: Ä’jummatääcä.

Edä nono de’woncomo jimmäje meicho’jo yaawääne äjummajaiñe naato, töjimmotoncomo tumjumma weneenetoodöje dea. Tönwanno aquiiñeme’cato töjimmotoncomooje’da aweijäcäiñe, chääjadäiñe aweichöcoomo jonno ayu’ca’jocoomo weijäcä öwwä.