Popular Bible Verses from JUAN 14

Share

“Öötääje täncanoode’da aweicho’como wu’a, yää öwwono. Täncanoode’da weiñä edä nono de’wono nöngemjönö wu’a äwwäiñe. Cone’da’daane eichäcä adheewanööcomo jäcä; tösaade’da mmaja eichäcääde.

Jesuuquidiito cönä’döaacä chäwwä: —Öwö ñäädä ääma neene, chäänöngato a’deu mmaja, do’ta edhaajä mmaja. Jaaja wwadäädä täjai’cha weiñä na; öwö joi mma täjai.

“Cone’da’daane eichäcä adheewanööcomo jäcä. Wanaadi ecaanö’täcä, öwö mmaja cäcaanö’täcääde.

Öwö ne’catäädö woije Jaaja nanonta’de Ä’wa’täneichomo, ñäädä Epíiditu Santo. Ñäädä Epíiditu Santo odhoowanoomaato’de tameedäädä; ätö’tamme’jaato’de tameedä neecammajäätö’jödö.

Ñäädä öwö waanontädö etaanei, tödöönei mmaja, ñäädä ñäädä jummanei ñeene. Jaaja nijumma’de ñäädä jummanei; öwö mmaja wijumma’dede, wääneja’de chäwwä; quee cönä’döaacä Jesuuquidiito.

Jaaja wwä we’ca’a’de, töwö äwwäiñe nu’a’de yaawä Ä’wa’täneichomo, yeichöje ajaadäiñe töweiyemööje, ñäädä Epíiditu Santo, chäänöngato a’deu edhaajä. Edä nono de’woncomo ñäädä ijummajai’cha naato, aneene’da yeichomjäcä, dhowaanäcäiñe’da yeichomjäcä mmaja. Änwanno mmaane odhoowanääcäiñe na, ajaadäiñe yeijäcä; töwö yeichöje ataacaiñe na’de.

Tameedä yeetö joi ane’catäädöcoomo öwö wödööa’de, aashicha Tumö weichö Iiñedö wwä eneejodö wetä. Öwö wödööa’de tameedä öwö yeetö joi ane’catäädöcoomo.

“Äwwäiñe jumma’jäcä öwö waanontädö tödöötäcä.

Jaaja mmai chaca jooje weichojo na. Yääje’da ei’jo mmaane wecammadö äwwäiñe. Öwö wöta aweicho’como chooneca.

Aweicho’como choonecaadö wä’ca’jäcä we’a’dede; yaawä manaadäaato’de, öwö weichojo dö’tä mmaja meichäiye.

Yaawä Tomá cönä’döaacä: —Owaanomaanei, ñaa owaanäcä’da na äätotoojo, ¿aaquene ñaa owaanäcä eichöde’ chääma’tädö? quee cönä’döaacä.