Popular Bible Verses from लूका 16

Share

जे थोडे़ का थोडे़ अन्दर भरोसेमंद है, से मती सारी चीजां अन्दर भी भरोसेमंद होणा ते जे थोडे़ का थोडे़ अन्दर बेईमान है, से मती सारी गल्लां अन्दर बेईमान होणा।

कोई भी मणू दो मालकां री सेवा नी करी सकदा, से या तां इक्क कने नफरत करी सकदा अते दूज्जे कने प्यार या इक्क जणे कने बड़ी ईमानदारी कने रेह्ई सकदा पर दूज्जे जो से अण-दिख्खा करी सकदा इय्यां ही कोई भी मणू परमेश्वर अते धन-दौलत, दोनां री सेवा किठ्ठे नी करी सकदा।

जे अगर तुसा दुनियावी धन-दौलत बिच भरोसेमंद नी हुंगे तां परमेश्वर ने तुसा जो स्वर्गीय धन-दौलत किजो दैणा। ते जे अगर तुसा दूए लोक्कां रे धन-दौलत जो इस्तेमाल करणे बिच भरोसेमंद नी रे, तां परमेश्वर ने तुसा जो स्वर्गीय धन्न किजो दैणा?

अब्राहम ने तिसजो बोल्लेया, जे से मूसा रे कानून अते भविष्यद्वक्तां री कताबा बिच जे लिख्खे रा है, तिन्हा जो नी सूणदे तां कोई मरे रे मणूआं बिच का जिन्दा होई करी तिन्हा का जाओ, तां भी तिन्हा तिन्हेरा विश्वास नी करणा।

जे कोई अपणी लाड़ी जो तलाक देई करी छड्डी दिन्दा ते कुसकी दूज्जी जनानी कने ब्याह करदा तां ए व्याभिचार मन्नेया जान्दा। अते जे कुसकी तलाक दित्ते री जनानी कने ब्याह करी लिन्दा, से भी व्याभिचार ही करदा।