Popular Bible Verses from लूका 17

Share

यीशु ने तिसजो बोल्लेया, उठ अते जा, तेरे विश्वास करणे री वजह कने तू कोढ का ठीक होई गेया।

अगर जे कोई इक्क रोज बिच सत्त वरी तेरे कने बुरा करदा, अते सत्त वरी ही तेरे का आई करी बोल्ले कि मेरे जो बड़ा मोह् होया करदा है अपणी गलती रा, तां तिसजो सत्तो वरी माफ कर

तिन्हा दस्स कोढ़ियां बिच का इक्क ने दिख्खेया कि मैं खरा होई गेया तां से परमेश्वर री बड़ाई करदे करदे यीशु का आया, अते तिन्हेरे पैरा पर मूह् रे भारे पेया ते तिन्हेरा शुकर करणे लग्गेया कने से इक्क सामरिया प्रदेश रा मणू थिया।

इस गल्ल रा ध्यान रख्खो, कि तेरा संगी विश्वासी पाप करे तां तिसजो समझा, जे से अपणी गलती मन्दा तां तिसजो माफ कर।

यीशु ने तिसजो पूच्छेया, कै मैं दस्स जणेया जो सुच्चा नी कित्ता, फिरी से बाक्की नौ कुदे हिन?

प्रभु यीशु ने तिन्हा जो बोल्लेया, जे तुसा रा विश्वास सरेयाँ रे दाणे रे बराबर भी हुंदा, तां तुसा इस शहतुत रे बूट्टे जो बोल्ल गे, कि तू जड़ा का बुट्टि करी समुन्द्रा बिच लग्गी जा, तां तिन्ने तुसा री मन्नी लैणी थी।

जिस कुसकी ने अपणी जान बचाणे री कोसीस करणी तिसने तिसजो गवाई दैणा ते जिस ने तिसजो दाव पर लाणा तिसने अपणी जान बचाई लैणी।

यीशु ने अपणे चेल्‍लेयां जो बोल्लया, जिन्हा गल्लां कने मणूआं जो ठोकर लगदी से गल्लां तां होणी ही हिन, पर लाणत है तिस मणू पर जिसेरी वजह कने से ठोकर आन्दी तिसेरे तांइ ए जादा खरा हुन्दा कि बजाय इसेरे कि से इन छोटे मणूआं बिच का कुसकी जो पाप करणे पर मजबूर करी सकें, तिसेरे गले पर चक्की रा पाट लटकाई करी तिसजो समुन्द्र बिच सूटी दित्तेया जान्दा

मणू रा पुत्तर, जे मैं ही है रे राज करणे रे बेल्ले बिच भी ओई होणा, जेड़ा नूह रे बेल्ले होया थिया, किजोकी नूह रे जहाज पर चढ़ने का पैल्ले तांइ भी ब्याह हुदें थिये, अते धाम्माँ बिच खाणा-पीणा, हुन्दा थिया अते इक्क रोज इदेया हड़ आया कि तित्ते सब किच्‍छ तैहस-नैहस होई गेया