Popular Bible Verses from लूका 13

Share

यीशु ने तिसजो जवाब दित्तेया, “परमेश्वर रे राज जो पुजणे वाले तंग दुआर का जाणे तांइ मैहनत करो, किजोकी बड़े जणेया ने अन्दर जाणे री कोसीस करणी पर जाई नी सकणा।

तां इक्क जनानी, जिस बिच दुष्टात्मा वास करदी थी ते जिनिए तिसजो रोला बणाई रख्खे रा थिया ते से कुबड़ी होई गे री थी। यीशु ने जां तिसजो दिख्खया, तां तिसजो अपणे का सद्देया अते बोल्लेया, ओ जनानिये, तैं अज्ज अपणी बीमारी का छुटकारा पाई लेया

ते यीशु ने तिसेरे सरा पर हत्थ रख्या, ते तिस्स ही बेल्ले, सीद्दी होई करी से खड़ी गई, ते परमेश्वर री बड़ाई करणा लग्गी पेई।

ते अज्ज जिन्हा मणूआं री बेजती करदे, तिस बेल्ले तित्ते तिन्हेरा आदर कित्तेया जाणा, ते जिन्हा जो मणूआं का अज्ज बड़ा आदर मिलेया करदा है, तिन्हा जो तिस बेल्ले बेजती कित्तेया जाणा, किजोकी जे नीच्चे हिन से उँचे कित्ते जाणे ते जे अवे उँचे हिन से निचे कित्ते जाणे।

जां परमेश्वर ने, जे घर रे मालक ने दुआर जो बन्द करी दैणा, तां तुसा बाहर खड़े होई करी दुआर जो खट-खटाणा ते बोलणा, ओ प्रभु, असा तांइ दुआर खोली देयो पर अन्दर का ए जवाब आणा, मैं तुसा जो नी जाणदा।

यीशु ने यरुशलेम रे सबणी मणूआं जो बोल्लेया इदेया किच्‍छ भी नी है तुसा अपणे पाप्पां का तौबा करी लेयो, नी तां तुसा भी तिय्यां ही मरणा।

पर तिन्हा बोलणा, मैं तुसा जो बोलदा, कि मैं तुसा जो नी जाणदा कि तुसा कुते का आये रे हिन ओ बुरे मणूओं, तुसा सब मेरे का दुर होई जाओ

तां यीशु ने बोल्लेया, परमेश्वर रा राज कदेया है ते मैं इसेरी बराबरी कुस कने करां? से सरेयाँ रे बीह् सांई है, जिस जो कुसकी ने अपणे खेत्तरां बिच बाया ते जां से बड्डा होया तां इक्क बूट्टा बणी गेया, अते फिरी आसमान रे चिड़ू-पखेरुआं ने तिसेरी डालियां पर अपणे घोंसले बणाई लित्ते।