Popular Bible Verses from लूका 14

Share

जे मणू अपणे मां-प्यो, लाडी-बच्चे, भैण-भ्याल अते अपणे आप जो मेरे का भी जादा प्यार करदा हो, से मेरा चेल्ला नी बणी सकदा।

जे कोई अपणी दुख-तकलिफां जो अपणाई करी मेरे तांइ मरणे तिकर भी तैयार है से ही मेरा चेल्ला बणी सकदा।

किजोकी जे भी अप्पु जो बड्डा बणांगा, तिसजो परमेश्वर ने लोक्कां री नजरां अन्दर छोटा करणा, पर जे अप्पु जो छोटा बणागा, तिसजो परमेश्वर ने बड्डा करणा।

इय्यां ही जां तांइ कोई मणू अपणा सब किच्‍छ पूरी तरह् कने छड्डी नी दिंगा, तां तांइ से मेरा चेल्ला बणने जोग्गा नी है।

जे तुसा इक्क घर बणाणे चाह्‍ंदे तां पैल्ले तुसा तिस बिच लगणे वाले खर्चे रा हिसाब कताब लाणा कि तुसा का घर बणाणे जिन्ना पैसा है या नी? कुदखी इय्यां नी हो कि से घर री नींय्याँ पाई देयो ते पैसे नी होणे री वजह कने तिसजो अपणा कम्म बांद्द करणा पेई जाओ, ते जिन्हा ने तिसजो कम्म सुरु करदे दिख्खेया हो से तिसेरा मजाक उड़ान अते बोलण, कि ए मणू बड़े जोस अन्दर आई करी घर बनाणा तां लग्गेया थिया, पर बगैर सोच्चे-समजे बणाणे री वजह कने इसेरा कम्म अद्दा रुकी गेया

जां भी तू धाम दिंगा, तां सिर्फ दुखी, रोले, लट्टे अते अन्ने मणूआं जो ही सद्देयाँ, किजोकी तिन्हा का तिज्जो हटाणे तांइ किच्‍छ भी नी है, ए ही गल्ल तेरे तांइ आशीष री वजह बणी जाणी इधेरा फल्ल तिज्जो धार्मिक मणूआं रे फिरी जिन्दे होई उठणे का बाद मिलणा।

लूण सुआद तांइ तां खरा है पर तिस ही लूण रा सुआद नी रेयो तां तिसजो कुस चीज कने स्वाद कित्तेया जाणा? इदेया लूण नां तां मिट्टी पर सुटणे रे कम्मां आन्दा ते ना ही इसजो खाद तांइ इस्तेमाल करी सकदे, इदेय लूण जो मणू सूटी दिन्दे। इस गल्ल जो जे सुनणा चाए, से ध्यान कने सुणे!