Popular Bible Verses from Lukas 8

Share

Lan sing tiba ing lemah betyik kuwi wong sing sakwisé pada ngrungokké tembungé, terus disimpen ing sak njeruhné ati sing betyik, lan mantep lan ngetokké woh.”

Sing tiba ing tetukulan eri kuwi wong sing pada ngrungokké tembungé, nanging saknjeruhné tukul kuwi terus ketindih rasa sumelang, kasugihan lan kesenengané urip, terus ora bisa ngetokké woh sing mateng.

Sing tiba ing watu-watu kuwi wong sing bareng krungu tembungé mau terus ditampani karo bungah, nanging kuwi ora ana oyoté, enggoné pertyaya mung sedilut lan bareng kena tyobané urip terus pada murtad.

Panjenengané terus ngomong: “Pengandelmu kuwi ing ngendi?” Kabèh pada wedi lan nggumun lan pada rerasanan ngéné: “Sapa ta Panjenengané kuwi, nganti angin lan banyu pada manut karo tembungé?”

Sing tiba ing pinggir dalan kuwi wong sing wis pada krungu, terus diparani iblis, sing terus njupuk tembungé mau sangka sak njeruhné atiné, supaya aja pada pertyaya lan dislametké.

Awit ora ana barang sing ditutup-tutupi, sing ora bakal kebukak, ora ana sing kesimpen, sing ora bakal kebukak lan dingertèni wong okèh.

Bareng wong wadon kuwi mau weruh, yèn dingertèni, terus teka karo gemeter, sendeku ing ngarepé, uga terus ndunungké marang wong okèh, apa sebabé ndemèk Panjenengané lan enggoné sak nalika terus waras. Yésus terus ngomong marang wong mau: “Hé, anakku, pertyayamu sing wis mitulungi kowé, muliha karo slamet!”

Para muridé terus nemoni, nggugah Yésus, semauré: “Guru, Guru, kita pada tyilaka!” Panjenengané ya terus tangi, angin lan banyu sing ngamuk kuwi pada dinesoni, banjur lerem, kahanané tlaga dadi anteng.