Popular Bible Verses from Lukas 9

Share

Kabèh terus pada diomongi: “Saben wong sing kepéngin mèlu Aku, kuwi kudu nyingkur awaké déwé, saben dina manggul salipé lan ngetutké Aku.

Awit sapa waé sing arep nylametké nyawané, kuwi bakal kélangan nyawané; nanging sapa waé sing kélangan nyawané awit sangka Aku, kuwi bakal nylametké nyawané.

Nanging Yésus ngomong: “Saben wong sing wis nyekel luku, nanging terus nolèh ing mburiné, kuwi ora pantes kanggo Kratoné Gusti Allah.”

Apa gunané wong bisa duwèni ndonya iki kabèh, nanging njalari mati lan ruginé awaké déwé?

Awit sapa waé sing isin awit sangka Aku lan pitutur-Ku, Putrané Manungsa ya bakal isin awit sangka wong kuwi, mbésuk yèn Panjenengané teka karo kamulyan-Né déwé lan kamulyan-Né Bapak lan para mulékat sing sutyi.

Semauré Yésus: “Asu alasan pada nduwé rong lan manuk pada nduwé susuh, nanging Putrané Manungsa ora nduwé panggonan kanggo nyèlèhké sirahé.”

lan ngomong marang para muridé: “Sapa waé sing nampani botyah iki ing sak njeruhné Asma-Ku, tegesé Aku sing ditampani; lan sapa waé sing nampani Aku, kuwi nampani Panjenengané sing ngutus Aku. Awit sing tyilik déwé ing tengahmu kabèh, kuwi sing gedé déwé.”