Popular Bible Verses from मरकुस 16

Share

कने यीशुयैं तिन्हां नैं ग्लाया, “तुहां सारे संसारे च जाई नैं सारिया सृष्टिया दे लोकां जो सुसमाचार प्रचार करा।

बसुआस करणे आल़ेआं च एह़ नसाण हुंगे कि सैह़ मेरे नांऐ ते दुष्टआत्मां जो कड्डगे, नौई-नौई भासा ग्लांगे। सर्पां जो भी चुक्की लैंगे, कने जे सैह़ जैहरे आल़िआं चीज्जां भी पी जान, तमी तिन्हां दा कुच्छ नकसान नीं हुंगा, सैह़ बमारां पर हत्थ रखगे, कने सैह़ खरे होई जांगे।”

जेह्ड़ा कोई मिन्जो पर कने सुसमाचारे पर बसुआस करगा कने बपतिस्मा लैंगा तिसदा ई उद्धार हुंगा, अपर जेह्ड़ा मिन्जो पर कने सुसमाचारे पर बसुआस नीं करगा सैह़ दोसी ठैहराया जांगा।

कने तिन्हां चेलेयां निकल़ी नैं हर जगाह प्रचार कित्ता, कने प्रभु तिन्हां सौगी कम्म करदा रेह्आ, कने जेह्ड़े लोक सौगी-सौगी हुंदे थे, तिन्हां चमत्कारां दे जरिये वचने जो सच्च साबित करदा रेह्आ। आमीन।

तिन्हीं नौजुआने तिन्हां जणासां नैं ग्लाया, “हरान मत होएया। तुहां यीशु नासरी जो तोपा दियां हन जेह्ड़ा सूल़िया पर टूंगेया था। सैह़ जिन्दा होई गेआ ऐ, सैह़ ऐत्थु नीं ऐ, दिक्खा, एह़ सैई जगाह ऐ जित्थु तिन्हां तिसियो रखेया था।

जाह़लू सैह़ कब्रा च पुज्जिआं, तां दिख्या कि कब्रा दे मुँऐ ते पत्थर खिसकेया था। कने सैह़ पत्थर बड़ा बड्डा था। कने कब्रा अंदर जाई नैं तिन्हां जणासां इक्क नौजुआन दूते जो जिन्हीं चिट्टे कपड़े पैहनेयो थे, तिन्हां दे सज्जे पास्से बैठेयो दिख्या, कने बड़ियां हरान होईयां।