Popular Bible Verses from मरकुस 15

Share

तकरीब त्रै बजे यीशुयैं बड़े जोरे नैं डड्डी करी ग्लाया, “इलोई-इलोई, लमा शबक्तनी?” जिसदा मतलब एह़ ऐ, कि “हे परमात्मा, हे मेरे परमात्मा, तैं मिन्जो क्जो छड्डी दित्ता?”

जाह़लू तित्थु सामणै खड़ोई नैं सूबेदारैं यीशुये जो इस तरीके नैं डड्डदे कने प्राण छड्डदे दिख्या, तां तिन्हीं ग्लाया, “सच्च-बिच्च एह़ माणु, परमात्मे दा पुत्तर था।”

तिसी बग्त मंदरे दा पड़दा ऊपरे ते लेई नैं थल्लै तिकर फटी करी दो टुकड़े होई गेआ।

ताह़लू यीशुयैं जोरे नैं डड्डी नैं प्राण छड्डी दित्ते।

कने दोपैरा दे बाराह बजे ते लेई नैं दोपैरा दे त्रै बजे तिकर सारे देसे च नेहरा छाई रेह्आ।

ताह़लू पिलातुसैं भीड़ा दे लोकां जो खुस करणे दी इच्छा ते, बरअब्बा जो तिन्हां लोकां तांई छड्डी दित्ता, कने यीशुये जो कोड़े लगुआई नैं तिन्हां दे हुआले करी दित्ता, कि सूल़िया पर टुंगी दैन।