Popular Bible Verses from मरकुस 14

Share

कने ग्लाया, “हे अब्बा, हे पिता, तिज्जो ते सब कुच्छ होई सकदा ऐ। इस दुखे दे बग्ते जो मिन्जो ते दूर करी दे। तमी जिंआं मैं चांह़दा ऐ, तिंआं नीं, अपर जेह्ड़ा तू चांह़दा ऐ सैई होयैं।”

तुहां सारे जागदे कने प्रार्थना करदे रेह्आ कि तुहां परीक्षा च नीं पोन। तुहां दी आत्मा तां त्यार ऐ, अपर सरीर कमजोर ऐ।”

मैं तुहां नैं सच्च ग्लांदा ऐ, कि सारे संसारे च जित्थु कुत्थी सुसमाचार प्रचार कित्ता जांगा, तित्थु इसादे इस कम्मे दी चर्चा भी तिसा दिया यादा च कित्ती जांगी।”

कने यीशुयैं तिन्हां त्रीं चेलेयां नैं ग्लाया, “मेरा मन बड़ा दुखी ऐ, इआं लगदा ऐ जिंआं मैं मरने आल़ा ऐ। तुहां ऐत्थु रुका, कने जागदे रेह्आ।”

जाह़लू सैह़ खाणा खा दे थे, ताह़लू यीशुयैं रोटी लेई कने परमात्मे आसीष मंगी नैं तोड़ी, कने अपणे चेलेयां जो दित्ती, कने ग्लाणा लग्गा, “लेआ, कने खा, एह़ मेरा सरीर ऐ।”

भिरी तिन्हीं कटोरे च अंगूरा दा रस लेई नैं परमात्मे दा धन्यावाद कित्ता, कने अपणे चेलेयां जो दित्ता, कने तिन्हां सारेयां तिसते पीत्ता। कने ताह़लू यीशुयैं तिन्हां जो ग्लाया, “इस कटोरे च अंगूरा दा रस तिस वादे दा मेरा सैह़ खून ऐ, जेह्ड़ा मतेआं देयां पापां तांई बहाया जांदा ऐ।

ताह़लू यीशु रस्ते च तिन्हां नैं ग्लाणा लग्गा, “तुहां सबना मिन्जो छड्डी करी नठ्ठी जाणा ऐ, क्जोकि पवित्रशास्त्रे च लिख्या ऐ: ‘मैं अपणे लोकां दी रखवाल़ी करणे आल़े जो मारगा, कने सैह़ भेड्डां साइआं रुआंह-परांह बिछड़ी जांगियां।’

उठा चला। दिक्खा, मिन्जो पकड़ुआणे आल़ा नेड़े आई रेह्आ ऐ।”

एह़ सुणी करी यीशु पतरसे नैं ग्लाणा लग्गा, “मैं तिज्जो नैं सच्च ग्लांदा ऐ, कि अज्ज ई इसा राती जो कुक्ड़े दे दो बरी बांग दैणे ते पैहल्ले, तैं त्रै बरी मिन्जो पणछैणने ते मुकरना।”