Popular Bible Verses from लूका 1

Share

क्जोकि जेह्ड़ा वचन परमात्मे दे पास्से ते हुंदा ऐ, तिस वचने मताबक परमात्मा सब कुच्छ करी सकदा ऐ।

मरियमा ग्लाया, सुण, मैं प्रभु दी दासी ऐ, जिंआं प्रभु चांह़दा तिंआं ई मिन्जो तांई होयैं।” ताह़लू सुअर्गदूत तित्थु ते चली गेआ।

सुअर्गदूते तिसा जो जवाब दित्ता, “पवित्र आत्मा कने परम प्रधान परमात्मे दी सामर्थ तिज्जो पर बणी रैहणी ऐ; इसतांई सैह़ जागत जेह्ड़ा तिज्जो ते पैदा होणे आल़ा ऐ, सैह़ पवित्र कने परमात्मे दा पुत्तर होणा।

धन ऐ, तू कि जिन्नै परमात्मे दियां गल्लां पर बसुआस कित्ता कि जेह्ड़ियां भी गल्लां सुअर्गदूतैं तिज्जो नैं ग्लाईयां, सैह़ जरूर पूरी हुंगिया।”

कने सुण, तू गर्भवती हुंगी, कने इक्क जागत जम्मगी; तू तिसदा नां यीशु रखेयां। सैह़ म्हान हुंगा, कने परम प्रधान परमात्मे दा पुत्तर हुंगा। कने प्रभु परमात्मे तिसियो तिसदे पूर्वज दाऊद राजे साइआं राजा बणांगा। कने सैह़ याकूब दे घराने पर सदा राज्ज करगा; कने तिसदे राज्जे दा अन्त नीं होणा।”

सुअर्गदूते तिसा जो ग्लाया, “हे मरियम; घबरा मत, क्जोकि परमात्मे दी दया तिज्जो पर होई ऐ।