Popular Bible Verses from मरकुस 12

Share

यीशुयैं तिसियो जवाब दित्ता, “सबना ते जरूरी हुक्म एह़ ऐ। ‘हे इस्राएले दे लोको सुणा। प्रभु अहां दा परमात्मा इक्को ई प्रभु ऐ, कने तू अपणे प्रभु परमात्मे जो अपणे सारे मने नैं, कने अपणे सारे प्राणा नैं, कने अपणिया सारिया अक्ला नैं, कने अपणिया सारिया ताकता नैं प्यार रखणा।’ कने दूआ हुक्म ऐ, ‘तू अपणे प्ड़ेसिये नैं अप्पु साइआं प्यार रखणा।’ इसते बड़ा होर कोई हुक्म नीं ऐ।”

ताह़लू यीशुयैं अपणे चेलेयां जो अप्पु अल्ल सद्दी नैं तिन्हां जो ग्लाया, “मैं तुहां नैं सच्च ग्लांदा ऐ, कि मंदरे दे दानपात्रे च पाणे आल़ेआं ते इन्नै गरीब बिधवा तां सबना ते जादा पाया; क्जोकि सबना अपणिया कमाईया दा कुच्छ हिस्सा दाने च पाया, अपर इन्नै तंगिया च रैंह्दे भी जे कुच्छ इसा अल्ल था मतलब अपणी सारी कमाई पाई दित्ती ऐ।”

यीशु मंदरे दे दानपात्रे सामणै बेई नैं दिक्खा दा था कि माणु मंदरे दे दानपात्रे च कितणे पैसे पांदे हन; कने बड़ेयां-बड़ेयां अमीरां बड़ा कुच्छ पाया। ताह़लू इतणे च इक्क गरीब बिधवा आई, कने तिन्नै दो दमड़ियां पाईयां, जेह्ड़ियां इक्की धेल्ले दे बराबर हुंदियां हन।

कने तू अपणे प्रभु परमात्मे जो अपणे सारे मने नैं, कने अपणे सारे प्राणा नैं, कने अपणिया सारिया अक्ला नैं, कने अपणिया सारिया ताकता नैं प्यार रखणा। तू अपणे प्ड़ेसिये नैं अप्पु साइआं प्यार रखणा। एह़ हुक्म सारे होमबल़ियां कने जानवरां दे बलिदानां ते बधी नैं हन।”

यीशुयैं तिन्हां जो ग्लाया, “जेह्ड़ा कैसरे दा ऐ सैह़ कैसर जो देआ, कने जेह्ड़ा परमात्मे दा ऐ सैह़ परमात्मे जो देआ।” ताह़लू सैह़ तिस पर बड़े हरान होये।