Popular Bible Verses from मरकुस 11

Share

इसतांई मैं तुहां नैं ग्लांदा कि जेह्ड़ा कुच्छ तुहां प्रार्थना करी नैं मंगगे, तां बसुआस करा कि तुहां जो मिलिया, कने तुहां तांई होई जांगा।

मैं तुहां नैं सच्च ग्लांदा ऐ, कि जेह्ड़ा कोई इस प्हाड़े जो ग्लांगा, ‘तू ऐत्थु ते पटौई नैं समुंदरे च जाई पो,’ कने अपणे मने च बैम नीं करैं अपर बसुआस रखैं कि जेह्ड़ा ग्लांदा ऐ सैह़ होई जांगा, तां तिस तांई सैई हुंगा।

कने यीशुयैं एह़ भी ग्लाया, कि प्रार्थना करदे बग्त जे तुहां दे मने च कुसी तांई कुच्छ शकायत ऐ; तां माफ करी देआ तांजे तुहां दा पिता जेह्ड़ा सुअर्गे च ऐ, तुहां दे अपराध माफ करगा।

यीशुयैं तिस जो जवाब दित्ता, “परमात्मे पर बसुआस रख।

कने सिक्षा देई नैं तिन्हां जो ग्लाया, “क्या पवित्रशास्त्रे च एह़ नीं लिख्या ऐ, ‘कि मेरा मंदर सारियां जातिआं तांई प्रार्थना दा मंदर हुंगा?’ अपर तुहां तां इसियो डाकुआं दा अड्डा बणाई दित्या ऐ।”

जेह्ड़े-जेह्ड़े लोक यीशुये दे गांह-गांह कने पचांह़-पचांह़ चलेयो थे, सैह़ जोरे नैं डड्डी-डड्डी करी ग्लांदे थे, “होशाना।” धन ऐ सैह़ जेह्ड़ा प्रभु दे नांऐ ते ओंदा ऐ।

अहां दे पिता दाऊदे दा राज्ज जेह्ड़ा ओआ दा ऐ; सैह़ धन ऐ। “परमात्मे दी स्तुति करा जेह्ड़ा सुअर्गे च ऐ।”